Moskvada muhojirlarga qarshi reydlar o‘tkazildi

Ma’lum qilinishicha, reydlar Moskva sharqidagi “Shelkovskaya” metro bekati yonidagi avtovokzalda, shuningdek, sabzavot bozori va hostellarda amalga oshirilgan. Qaysi mamlakatdan kelganlar chaqiruv qog‘ozlarini olgani aytilmagan.

Noqonuniy ravishda Rossiyada bo‘lgan 100 dan ortiq muhojirlar

Bir necha kun avval Sankt-Peterburgda ham migrantlarning ish joylariga keng ko‘lamli reyd uyushtirilgan. 250 dan ortiq politsiyachilar shaharning yirik ulgurji bozorlariga borib, u yerda tekshirilgan 2 ming nafar xodimdan Rossiyada noqonuniy ravishda bo‘lgan 100 dan ortiq muhojirni aniqlagan. Ularga nisbatan ma’muriy huquqbuzarliklar to‘g‘risida ish qo‘zg‘atilgan. Endilikda deportatsiya qilish masalasi hal qilinmoqda.

Endi O‘zbekistonliklar Rossiyaga oilasi bilan borolmaydi

LDPR fraksiyasidagi Davlat dumasi deputatlari guruhi parlament quyi palatasiga Rossiya fuqaroligi bo‘lmagan mehnat muhojirlariga o‘z oilalarini mamlakatga olib kirish huquqini taqiqlovchi qonun loyihasini kiritadi. Bu haqda «RIA Novosti» xabar berdi.

Loyiha mualliflarining qayd etishicha, agar qonun qabul qilinsa, muhojirlar uchun mehnat shartnomasi yoki patentning mavjudligi uning oilasini mamlakatga ko‘chirish uchun asos bo‘lmay qoladi.

Rossiya fuqaroligidan mahrum qilish

Iyul oyining oxirida Rossiya Davlat dumasi deputatlari fuqarolikni olgan, ammo harbiy ro‘yxatdan o‘tmaganlarni fuqarolikdan mahrum qilish imkonini beruvchi qonun loyihasini qabul qilgan edi. Hujjatda, shuningdek, Ichki ishlar vazirligi organlari Rossiya pasportini olgan erkaklar haqidagi ma’lumotlarni harbiy ro‘yxatga olish reyestriga yuborishi ko‘zda tutilgan.

Harbiy xizmatga chaqiruv yoshini oshirish

Bundan oldin Davlat dumasi Rossiyada yashagan sobiq muhojirlar uchun harbiy xizmatga chaqiruv yoshini oshirish va armiyada xizmat muddatini 2 yilgacha uzaytirish to‘g‘risidagi qonun loyihasini ko‘rib chiqishi mumkinligi haqida xabar tarqalgandi.

2024-yil fevral oyida Rossiya parlamenti quyi palatasi deputatlarining bir guruhi Rossiya fuqaroligini keyinchalik olgan shaxslar uchun harbiy xizmatga chaqiruv yoshini 50 yoshgacha ko‘tarish tashabbusini ilgari surgan. Ammo ko‘p o‘tmay duma raisi Vyacheslav Volodin tomonidan bildirilgan tanqidiy fikrlardan so‘ng, mazkur taklif qaytarilgan.