Trampning qaytishi Markaziy Osiyoning Rossiya va Xitoyga qaramligini kamaytirishi mumkin

The Diplomat nashri ekspert Erik Rudenshioldning fikrlariga tayangan holda Donald Trampning qaytishi AQShning Markaziy Osiyodagi ishtirokini kuchaytirishi mumkin ekanligini ma’lum qildi. AQSh iqtisodiy va energetika loyihalarini kengaytirish orqali o‘z mavqeini mustahkamlaydi va mintaqaning Rossiya va Xitoyga qaramligini kamaytirishga harakat qiladi.

Markaziy Osiyo qiziqishlar markazida

Ekspert fikriga ko‘ra, Markaziy Osiyo endi Amerika siyosatining “chekkasi” emas, birinchi Tramp ma’muriyatining strategik tashabbuslari va ularning Bayden davrida saqlanib qolishi tufayli mintaqaga nisbatan qiziqish ortgan. Shuningdek, so‘nggi yillarda Markaziy Osiyo mamlakatlari Yevropaga ko‘proq e’tibor qaratishni boshladilar hamda Rossiya va Xitoyga qaramlikni susaytirib, iqtisodiy suverenitetga intildilar. Bu AQSh uchun hamkorlikni rivojlantirish uchun imkoniyatlarni ochadi.

Aloqa vositalari

Qayd etilishicha, energiya va strategik minerallar Tramp uchun asosiy yo‘nalish bo‘ladi. Yevropaga gaz eksport qilish uchun Transkaspiy quvuri alohida qiziqish uyg‘otadi: bu mintaqaning energetik mustaqilligini ta’minlaydi va uzoq muddatli iqtisodiy foyda keltiradi. 2020-yilda boshlangan DFC (Moliyaviy rivojlanish korporatsiyasi) tashabbusi Markaziy Osiyodagi loyihalarni qo‘llab-quvvatlash uchun samarali vosita bo‘lishi mumkin. Qozog‘iston va O‘zbekiston bilan imzolangan memorandumlarning tiklanishi iqtisodiy aloqalarni mustahkamlaydi.