Ming dardga davo bo'lmasada, diabetni davolashda yordam beradi

Asal ozuqa moddalariga boy, antibakterial xususiyatlarga ega va maxsus ovqatlanish tartibining bir qismi sifatida diabetni davolashda rol o'ynashi mumkin.

Bundan tashqari, uning siz bilmagan ko'plab foydalari bor.

Asal o'zi nima? (ilmiy ta'rif)

Asal asalarilar o'simlik nektaridan tayyorlaydigan siropli suyuqlik bo'lib, turli shakllarda mavjud.

Uning 5 noyob foydasi:

1. Qon shakar darajasi uchun oddiy shakarga qaraganda yaxshiroq

Asal qonda oddiy shakarga nisbatan ancha foydaliroq. U qondagi qand miqdorini boshqa qand turlari kabi ko'tarsa-da, tarkibidagi antioksidantlar metabolik sindrom va 2-toifa diabetdan himoya qiladi.

Tadqiqotchilar asal adiponektin darajasini oshirishi mumkinligini aniqladilar, bu yallig'lanishni kamaytiradigan va qonda shakar miqdorini tartibga solishga ko'maklashuvchi garmon. 

Muhim eslatma: Ba'zi ishlab chiqaruvchilar asalni oddiy sirop bilan suyultirishadi. Asalni soxtalashtirish aksariyat mamlakatlarda noqonuniy bo'lsa-da, bu keng tarqalgan muammo bo'lib qolmoqda.

2. Yurak salomatligini yaxshilashda yordam berishi mumkin

Asal yurak xastaliklarining oldini olishga ham yordam beradi. Uning to'g'ri iste'moli qon bosimini pasaytirishga, qondagi yog 'miqdorini yaxshilashga, yurak urishingizni tartibga solishga va sog'lom hujayralar o'limini oldini olishga yordam beradi. 

40 yoshdan oshgan 4500 dan ortiq odamni o'z ichiga olgan bitta kuzatuv tadqiqoti asalni o'rtacha iste'mol qilish ayollarda yuqori qon bosimi xavfini kamaytirishini ko'rsatdi.

Bundan tashqari, asal odatda propolisni o'z ichiga oladi, propolis esa xolesterin va triglitseridlar darajasini yaxshilaydi. 

3. Kuyish va jarohatni davolashda foydalanilishi

Yaralar va kuyishlarni davolashda qadimdan asaldan foydalanib kelingan va bu usullar bugungi kun tibbiyotida ham qo'llaniladi.

Asal va yaralarni parvarish qilish bo'yicha 26 ta tadqiqotni ko'rib chiqish shuni ko'rsatdiki, u jiddiy bo'lmagan va kichik qalinlikdagi kuyishlar va jarrohlikdan keyin infektsiyalangan yaralarni davolashda eng samarali vositadir. 

Muhim eslatma: Asal kuyishni davolashda ijobiy qo'llanilishi mumkin. Ammo, agar sizda kuchli kuyish bo'lsa, uy sharoitida davolanish shoshilinch tibbiy yordamning o'rnini bosa olmaydi. Bunday holatlarda siz darhol tibbiy yordamga murojaat qilishingiz kerak.

Teriga qo'llanganda, asal kuyishlar, yaralar va boshqa ko'plab teri kasalliklari uchun samarali davolash rejasining bir qismi bo'lishi mumkin. Bu diabet bilan bog'liq oyoq yaralari uchun ayniqsa samarali.

4. Bolalarda yo'talni bostirishga yordam beradi

Yuqori nafas yo'llarining infektsiyalari bo'lgan bolalar uchun yo'tal keng tarqalgan muammodir. Bunday dardga chalingan bolalarning ota-onalari uchun bo'lsa, uyqu va hayot ham yaxshigina qiyinlashadi.

Asal bolalarda yo'talning davomiyligini kamaytirishda ancha samarali. Bundan tashqari, ba'zi yo'tal dorilaridan farqli o'laroq, asal hech qanday nojo'ya ta'sirga ega emas.

Muhim eslatma: hechqachon asalni 1 yoshdan kichik bolalarga bera ko'rmang. Bu botulizmga olib kelishi mumkin.

5. Dietada ovqatlanish tizimiga asalni qo'shish ancha qulay

Asal dietada bo'lgan odamlar uchun ham ratsionga juda qulay qo'shimcha hisoblanadi. 

U sizga shakar o'rniga foydalanish uchun juda ham qulay hisoblanadi. Uni yogurt, kofe yoki choy bilan birga shirinlik sifatida foydalanish mumkin. Bundan tashqari asalni shirinliklarda ham shakar o'rniga foydalanishingiz mumkin.

Muhim eslatma: asal ham shakarning bir turi va uni meyordan oshiq foydalanish mumkin emas.

Asalning erkaklarga foydasi

2021-yildagi odamlar va hayvonlarda o'tkazilgan bir qancha tadqiqotlar shuni ko'rsatadiki, asal vazodilatatsion ta'sir tufayli erektsiyani yaxshilash orqali erektil disfunktsiyasi bo'lgan erkaklarga yordam berishi mumkin.  

Bundan tashqari u testosteron darajasi past erkaklarda testosteron darajasini qayta tiklashga xizmat qiladi.

Xulosa

Xulosa qilib aytganda, asalning me'yorda iste'mol qilingan iste’moli sizga va sizning sog'ligingizga ko'plab foydalar keltiradi.