«Al Jazeera» мухбири Агнешка Пикулицканинг аккредитацияси узайтирилмайдиган бўлди

Ўзбекистон Ташқи ишлар вазирлиги Расмий вакили халқаро журналист Агнешка Пикулицка-Вилчевсканинг аккредитацияси масаласида баёнот билан чиқди.

Унда маълум қилинишича, «Al Jazeera» телеканали мухбири А.Пикулицка-Вильчевска томонидан Ўзбекистон Республикаси қонунчилигининг бузилиши ҳолатлари қайд этилганлиги сабабли Ташқи ишлар вазирлиги унинг аккредитациясини узайтирмаслик тўғрисида қарор қабул қилган.

Эслатиб ўтамиз, аввалроқ польшалик журналист ТИВ ходими билан бўлган можаро ортидан Ўзбекистонда аккредитациядан ўтишга эришганди. Орадан кўп ўтмай унинг ЛГБТ мавзусидаги чиқишлари жамоатчиликнинг кескин муҳокамаларига сабаб бўлди.