Toshkentdan Samarqandga qo‘shimcha Afrosiyob poyezdi yo‘lga qo‘yilmoqda
Qatnovlar 15-dekabrdan boshlab, haftaning juma, shanba va yakshanba kunlari amalga oshiriladi.
1 daqiqa o‘qiladi
Toshkentdan Samarqandga “Afrosiyob” elektropoyezdining qo‘shimcha harakati yo‘lga qo‘yildi. Bu haqda “Temiryo‘lekspress” matbout xizmati xabar bermoqda.
Qoʻshimcha reyslar
Yo‘lovchilarga qulaylik yaratish maqsadida tashkil etilgan 775/776-sonli Samarqand-Toshkent-Samarqand yo‘nalishida yuqori tezlikda poyezd harakati 15-dekabrdan boshlanadi.
Xususan, qatnovlar 15−31 dekabr kunlari hamda 2025-yilning 3−12 yanvar kunlari oralig‘ida haftaning juma, shanba va yakshanba kunlari amalga oshiriladi.
Poyezd jadvali
Poyezd jadvali quyidagicha:
775-sonli Samarqand-Toshkent yo‘lovchi
Samarqand 10:55 — Toshkent 13:15.
776-sonli Toshkent yo‘lovchi-Samarqand yo‘nalishi
Toshkent 13:56 — Samarqand 16:14.
Shuningdek, kompaniya yo‘lovchilardan chiptada belgilangan vaqtga qarab vokzalga yetib kelishlarini so‘ragan.
