Қашқадарёлик “YUSUF”нинг машинаси жарима майдончасига қўйилди (+видео)

Қашқадарё вилояти, Китоб шаҳрида яшовчи Ю.Аҳмаджонов “70 H 207 LA” давлат рақам белгили, “Nexia-2” русумли транспорт воситасининг орқа томонига ўрнатилган давлат рақам белгисини ечиб, ўрнига ўз исми ёзилган қоғозни ёпиштириб олгани учун автомобили жарима майдонига қўйилди, дея хабар бермоқда ИИВ ЙҲХББ Ахборот хизмати. 

Маълум қилинишича, у бундай белги билан Китоб шаҳар ҳудуди бўйлаб ҳаракатланиб юрганида ЙПХ ходими томонидан тўхтатилган.

Ҳайдовчига нисбатан белгиланган тартибда маъмурий баённома расмийлаштирилиб, транспорт воситаси вақтинча сақлаш учун жарима майдончасига жойлаштирилган.

“Барча ҳайдовчилардан белгиланган қоидаларга риоя қилишларини, бошқарувидаги транспорт воситасининг давлат рақам белгисини ўзбошимчалик билан ечиб ҳаракатланмасликларини ҳамда давлат рақам белгисини ўзга усулларда ўзгартириб автомашина бошқармасликларини сўраб қоламиз”, дейилади хабарда.