Jizzaxda 350 million soʻmlik noqonuniy davlat xaridlari oʻtkazilgani aniqlandi

Raqobat qo‘mitasining Jizzax viloyati hududiy boshqarmasi tomonidan davlat xaridlari sohasida raqobat to‘g‘risidagi qonunchilik hujjatlariga rioya etilishi yuzasidan o‘rganishlari olib borildi.

Qaysi qonunchilik hujjatlari?

Jumladan:

• Sharof Rashidov tuman tibbiyot birlashmasi 50 mln. so‘mlik;
• G‘allaorol tuman maktabgacha va maktab ta’limi bo‘limi 295 mln. so‘mga yaqin;
• Jizzax viloyati G‘allaorol tuman tibbiyot birlashmasi 53 mln. so‘mdan ortiq tanlov savdolarida qonunchilik talablari buzilgan.

Ushbu holat ortidan “Raqobat to‘g‘risida”gi Qonunning 29-moddasi talablari buzilish alomatlari bilan buyurtmachi tashkilotlarga nisbatan belgilangan tartibda ishlar qo‘zg‘atilgan. Shuningdek, qonun buzish holatlarini bartaraf etish va kelgusida yo‘l qo‘ymaslik bo‘yicha ko‘rsatmalar berilgan.