Жиноят оламининг "катталари" қўлга тушди

Ўзбекистон бўйлаб 24 соат ичида жиноий гуруҳларнинг 200 га яқин аъзоси қўлга олинган, уларнинг орасида мафия бошлиқлари ҳам бор.

Жиноят олами “лидер”лари

Хабарларга кўра, Ўзбекистон махсус хизмати томонидан республика бўйлаб ўтказилган йирик операция давомида турли жиноий гуруҳларнинг кўплаб оддий ва юқори мартабали аъзолари, жумладан, "криминал авторитет"лар қўлга олинган. Хусусан, Ўзбекистон жиноят олами етакчиси деб қараладиган, "Вор в законе" Бахти Ташкентский, шунингдек, унга яқин одамлар ҳам қўлга олинган.

Тезкор тадбир натижалари

Мазкур рейдлар "Ҳумо" аренасидаги тартибсизликлар фонида Тошкентда ҳуқуқни муҳофаза қилувчи идоралар ҳамкорлигида ўтказилган. Маълумот учун, Бахтиёр Қудратиллаев Ўзбекистондаги биринчи "Вор в законе", деб тан олинган. "Вор в законе" — жиноятчилар орасида катта обрў-эътибор қозонган шахсга жиноят олами элитаси вакиллари томонидан бериладиган унвон. "Вор в законе" фақат собиқ Совет иттифоқи ҳудудига тааллуқли воқеликдир.