Rossiyada yana bir o‘zbekistonlik migrant qo‘lga olindi
U o‘yin maydonchasidagi bolalarga zo‘ravonlik qilishda gumon qilinmoqda.
1 daqiqa o‘qiladi
Rossiyaning Leningrad viloyatida bolalarga zo‘ravonlik qilishda gumon qilingan O‘zbekiston fuqarosi qo‘lga olindi. Bu haqda REN TV xabar berdi.
Zo‘ravon erkak ustidan arz qilishdi
19-sentyabr kuni Toksovo qishlog‘ida yashovchi 46 yoshli fuqaro huquq-tartibot idoralariga murojaat qilgan. Uning so‘zlariga ko‘ra, katta yoshdagi erkak bolalar maydonchasida voyaga yetmaganlarga nisbatan jinsiy zo‘ravonlik harakatlarini sodir etgan.
Erkak saqlash izolyatoriga joylashtirildi
Huquq-tartibot organlari gumonlanuvchini qo‘lga oldilar. U hech qayerda ishlamaydigan, 53 yoshli O‘zbekiston fuqarosi bo‘lib chiqdi.
Erkak politsiya bo‘limiga olib ketildi va vaqtinchalik saqlash izolyatoriga joylashtirildi.
