Ўзбекистон ноябрь ойида икки тонна олтин сотди

Ўзбекистон Марказий банки 2022 йилнинг ноябрь ойида 2 тонна олтин сотган.

6 январь куни эълон қилинган ҳисоботдан кўриш мумкинки, энг кўп сотиб олувчилар Хитой, Туркия каби давлатлардир.

Қўшни Қирғизистон Марказий банки бу йил биринчи марта олтин захираларига қўшиб, ноябрь ойида 3 тонна олтин сотиб олди ва жами олтин захираларини 16 тоннага кўпайтирди.

Олтин савдосида Қозоғистон Миллий банки ва Ўзбекистон Марказий банки энг кўп сотувчилар бўлди.

Қозоғистон ўзининг олтин захираларини тахминан 4 тоннага камайтириб, 380 тоннага туширди, Ўзбекистоннинг олтин захиралари эса деярли 2 тоннага камайиб, 397 тоннани ташкил этди.

Эслатиб ўтамиз, 2022 йилнинг сентябрь ойида Ўзбекистон олтин захиралари бўйича дунёда бешинчи ўринни эгаллагани ва олтин захирасини 19 тоннага оширгани хабар берилганди. 2022 йил биринчи чорагида қарийб 25 тонна сотилган, олтин захиралари эса 381 тоннадан ортиқ бўлган.