UzAuto Motors автомобилларининг янги нархлари эълон қилинди

UzAuto Motors оммабоп автомобиллар учун шартномаларни янгилаганини маълум қилганди. Компания вакили «uz24»га автомобиль нархлари неча фоизга ошганини маълум қилди.

Унга кўра, Lacetti (Gentra) — 12 фоизга, Damas, Spark, Cobalt, Nexia-3 — 10 фоизга кўтарилган.

Шундан келиб чиқиб автомобилларнинг янги нархлари қуйидагича бўлади:

• Spark 4-позиция — 104 миллион 95 минг сўм
• Gentra 1-позиция — 128 миллион 284 минг сўм.
• Gentra 3-позиция — 153 миллион 506 минг сўм.
• Nexia-3 АТ/плус — 119 миллион 921 минг сўм.
• Cobalt АТ/плус — 125 миллион 795 минг сўм.

Автосалонлар ошган нархларда шартнома беришни 3 мартдан бошлади.

Компания вакили дастлаб Malibu ва Tracker автомобиллари нархлари ўзгаришсиз қолганини маълум қилганди, кейинроқ компания сайтида ушбу автомобилларнинг нархлари ҳам оширилгани маълум қилинди.

Эслатиб ўтамиз, оммабоп автомобиллар нархи охирги марта 2020 йил 9 март куни 3 фоиздан 21 фоизгача оширилган эди.