Ўзбекистонга «Спутник V» вакцинасининг дастлабки партияси олиб келинди

Бугун, 23 апрел куни «Спутник V» вакцинасининг дастлабки партияси келтирилди. Бу ҳақида Соғлиқни сақлаш вазирлиги хабар берди.

Ўзбекистонга аҳолини эмлаш учун олиб келинадиган «Спутник V» вакцинасининг ярмини ўзбекистонлик тадбиркор Aлишер Усмонов молиялаштирган.

Апрель-июнь ойларида Ўзбекистонда 4 миллионга яқин фуқарони COVID-19га қарши эмлаш режалаштирилган эди. 2021 йил охирига келиб, бу кўрсаткич 7 миллионга ёки мамлакат аҳолисининг тахминан 20 фоизигача ўсиши кутилмоқда.

Қайд этилишича, ҳозирда ўзбек-хитой ва AstraZeneca вакциналарининг қўшимча дозаларини олиб келиш бўйича ишлар олиб борилмоқда.