Қозоғистоннинг "SCAТ" авиакомпаниясига Актау – Урганч – Актау йўналишида парвозларни амалга оширишга рухсат берилди

Транспорт вазирлигининг маълум қилишича, 2020 йил 1 августдан бошлаб Урганч аэропортида жорий қилинган "Очиқ осмон" режими асосида «Ўзавиация» агентлиги “SCAТ” авиакомпаниясига (Қозоғистон) жорий йилнинг 2 октябрда Актау – Урганч – Актау йўналиши бўйича мунтазам парвозларни амалга оширишга рухсатнома берган. 

Эслатиб ўтамиз, аввалроқ БАА авиакомпанияси “Air Arabia”га «Ўзавиация» агентлиги томонидан Абу-Даби – Тошкент – Абу-Даби йўналишларида мунтазам парвозларни амалга оширишга рухсат берилганди.