Insult bo‘lgan bemorlarga yordam beruvchi robot ishlab chiqildi
Ushbu robot insult hamda miya jarohati olgan 16 nafar bemor bilan sinovdan muvaffaqiyatli o‘tdi, u bemorlarga reabilitatsiya jarayonida yordam berish uchun mo‘ljallangan.
1 daqiqa o‘qiladi
Xalqaro olimlar jamoasi insult yoki miya jarohati olgan bemorlarni tiklash uchun robot-trener ishlab chiqdi. Bu haqda The National Robotarium sayti xabar bermoqda.
Robot bemor bilan bevosita muloqot qiladi
Ma’lum qilinishicha, robot bemorning miya signallarini qayta ishlash orqali u bilan muloqot qila oladi. Mashg‘ulotlar davomida mashina real vaqt rejimida odamlarning harakatlarini va fikr-mulohazalarini ko‘rsatishi mumkin va shu bilan reabilitatsiya jarayonini avtomatlashtiradi va tezlashtiradi.
Shuningdek, Shotlandiyaning Milliy Robotarium tashkiloti tadqiqotchilarining fikriga ko‘ra, insult va og‘ir miya jarohati olgan odamlarning taxminan 80 foizi oyoq-qo‘llarini ishlatishda nuqsonlarga ega.
16 nafar bemorga robot yordam ko‘rsatgan
Qayta tiklash uchun ular muayyan harakatlarni ko‘p marta takrorlashlari kerak. Biroq, bemorlarning faqat 30 foizi dasturni muvaffaqiyatli yakunlaydi.
Tadqiqot mobaynida olimlar insult yoki miya jarohati olgan 16 nafar bemor bilan ishladilar va ularga robot ko‘magida yordam berishdi.
Jarayonda neyron interfeys orqali mashina foydalanuvchilarning harakatlarini samarali bashorat qila oladi va ularga mashqlarni bajarish tartibini ko‘rsatadi.
