Қишки таътил учун темир йўл чипталарига чегирмалар бериш бошланди

Ҳар йили анъанага кириб улгурган қишки таътил олдидан Ўзбекистон темир йўллари учун чегирмалар эълон қилинди. ОТМда таҳсил олаётган талабаларга маҳаллий йўналишдаги қатновлар учун чегирмалар «Ўзтемирйўлчи» АЖ томонидан берилмоқда.

Муддат қандай?

2023 йилнинг 25 декабридан 2024 йилнинг 7 январига қадар давом этадиган ушбу чегирмалар ўрнатилган тартибда барча маҳаллий йўналишдаги йўловчи поездларнинг темир йўл ҳужжатининг тўлиқ қийматидан 50 фоиз миқдорида амал қилади.

Барча турдаги поездларгами?

Эълон қилинган хабарларга кўра, чегирмалар SV/VIP класс вагонлари ва юқори тезликда ҳаракатланувчи «Афросиёб» электропоездларига нисбатан қўлланилмайди.