Қозоғистонда аҳолини коронавирусга қарши эмлаш бошланди

1 февралдан қўшни Қозоғистонда аҳолини коронавирусга қарши Қарағанда вилоятидаги заводда ишлаб чиқарилган «Спутник V» вакцинаси билан эмлаш бошланди.

Маълумотларга кўра, дастлаб Бош санитария врачи Ерлан Киясов ва Соғлиқни сақлаш вазири ўринбосари Ажар Гиният эмланган. Биринчи босқичда «Спутник V» билан эмлаш мақсадида 22 минг дозадан иборат вакцинанинг дастлабки партияси кеча етказиб берилган. Қиш якунига қадар 100 мингдан ортиқ шифокорларга керакли дозалар етказиб берилиши айтилмоқда. 2021 йил охиригача Қозоғистонда 6 миллион одам вакцина билан эмланиши режалаштирилган.