Намойишчилар оқ уйни эгаллаб олишди. Қирғизистон президенти мамлакатдаги тартибсизликлар юзасидан баёнот берди (+видео)

Қирғизистон президенти Сооронбай Жээнбеков мамлакатда парламент сайловлари натижаларидан норозилик келиб чиқиши оқибатида кеча тунда содир бўлган тартибсизликлар бўйича видеобаёнот билан чиқди.

Охирги 2 кундан буён Қирғизистонда партиялар тарафдорларининг норозилик чиқишлари тинмаяпти.

Малумотларга кўра, 6 октябрь тунги соат 3:00 атрофида намойишчилар Оқ уйни эгаллаб олишган. Бу ерда парламент, президент аппарати ва давлат раҳбари фаолият юритади. Тонгги 6:30 ларда Оқ уйда ёнғин келиб чиққан.

Сўнг намойишчилар Қирғизистон ДХХ қамоқхонасига юриш қилишган ва қамоқдаги собиқ президент Алмазбек Атамбоев кейин эса собиқ бош вазир Сапар Исаковни озод қилишган.

Тартибсизликлар янада авж олиб, “Бутун Қирғизистон” партиясининг лидери Адахон Мадумаров амалдаги президентни қўллаб қувватлагани учун оломон қилингани айтилмоқда. Ижтимоий тармоқларда мазкур ҳолат акс этган видолар тарқалди.

Ушбу ҳодисалар акс этган видеолар ижтимоий тармоқларда яшин тезлигида тарқала бошлади. Ҳозирча ҳақиқий ҳолат бўйича аниқ расмий маълумотлар йўқ, ҳукумат амалда назоратни деярли қўлдан чиқарди.