Kuniga 10 000 qadam – afsonami yoki zaruriyat?

So‘nggi paytlarda "kuniga 10 000 qadam yurish" frazasi sog‘lom turmush tarzining sinonimi bo‘lib qoldi. Ammo aynan shu raqamga erishishga intilish kerakmi? Ma’lum bo‘lishicha, 10 000 qadam — bu ko‘proq marketing hiylasi bo‘lib, qat’iy tibbiy talab emas.

Foydali bo‘lishi uchun qancha qadam kerak?

• Kuniga 2 500 qadam yurganida turli sabablardan o‘lim xavfi sezilarli darajada kamayadi.
• Kuniga 8 000 qadam yurgan odamlar, 4 000 qadam yurganlarga qaraganda, 9 yil davomida 50% kamroq o‘ladi.
• 60 yoshdan katta odamlar uchun optimal miqdor — 6 000–8 000 qadam, 60 yoshdan kichiklar uchun esa — kuniga 8 000–10 000 qadam

Yurish salomatlikka qanday ta’sir qiladi?

• Vazn yo‘qotish. Ajoyib natijalar uchun nafaqat qadamlar soni, balki ularning intensivligi ham muhim — o‘rtacha yoki yuqori intensivlikda, 10 daqiqalik intervallarda taxminan 3 500 qadam yurish kerak. Bu — kuniga 35 daqiqa tez yurish.
• Yurak-qon tomir tizimi. Yurish yurak kasalliklari xavfini kamaytiradi. Masalan, 4 500 qadam yurgan qariyalarda, noxush holatlarning yuzaga kelish xavfi 77% ga kamayadi.
• Miya va kognitiv funksiyalar. Sayrlar demensiya xavfini kamaytirishga yordam beradi: foyda 3 800 qadamdan boshlanadi, eng yuqori darajaga esa 9 800 qadamda erishiladi.
• Xronik kasalliklarning oldini olish. Yurish 2-tur diabeti, gipertenziya, depressiya, semizlik va boshqa kasalliklarning xavfini kamaytirishga yordam beradi.
• Kayfiyat va energiya. Hatto 10 daqiqa tez yurish ham kayfiyatni ko‘taradi va aqliy faollikni oshiradi.

Qachon sayr qilish yaxshiroq?

Ovqatdan keyin qisqa sayr qilish foydali (hatto 2 daqiqa ham). Bu qon shakarini boshqarishga va metabolizmni yaxshilashga yordam beradi.

Asosiysi — miqdor emas, balki doimiylik va faoliyatdir. O'zingizga qat’iy 10 000 qadamlik maqsad qo‘yishning hojati yo‘q, ayniqsa, agar hozirda harakatsiz turmush tarzini yuritsangiz. Haqiqatan ham amalga oshirish mumkin bo‘lgan biror narsa bilan boshlang va yuklamani asta-sekin oshiring — hatto qadamlar sonining ozgina oshishi ham salomatlikni yaxshilaydi.