Озода Нурсаидова ваъдасини бажарди

Сардоба фалокатидан жабр кўрган аҳолига кўмак акциялари ҳалигача давом этяпти. Хонанда Озода Нурсаидова ижтимоий тармоқлардаги саҳифаси орқали қилган мурожаатида фалокатдан жабр кўрган 5 нафар оилага Тошкент вилоятидан хонадон ҳадя қилиши ҳақида билдирган эди.

“Хайрия акцияларидан таъсирланиб, тадбиркор, саховатпеша укам Aкбар Aнваров билан бирга ўзимиз акция ташкил қилдик. Яъни, Сардоба фалокатидан азият чеккан 5 та оилага Тошкент вилоятидан уй ҳадя қиляпмиз. 3 та уч хонали ва 2 та икки хонали уй. Бу, албатта, вақтинчаликка емас, уй ўзларига қолади”, – деганди Озода Нурсаидова. Аммо уйлар жиҳозланмагани сабабли савобталаб кўнгиллиларни ёрдамга чақирган эди.

Бугун хонанда ваъдасига мувофиқ уйларни ўз эгаларига топширгани маълум қилинди. Озода Нурсаидова 5 нафар оилага 4 та 3 хонали, 1 та 2 хонали тўлиқ жиҳозланган, яшаш учун барча шароитлар муҳайё уйларни тақдим қилган.