Osiyo kubogi-2027ning o‘tkazilish vaqti aniq bo‘ldi

OFK musobaqa 2027-yil 7-yanvardan start olishi hamda 5-fevralga qadar davom etishi haqida xabar berdi.

Musoboqa haqida

2023-yil Bahrayn poytaxti Manamada o‘tkazilgan OFKning 33-Kongressida Osiyo kubogi-2027 musobaqasiga Saudiya Arabistoni mezbonlik qilishi aniqlangan edi. Ma’lum bo‘lishicha, Osiyo Kubogi Saudiya Arabistonining uchta shahrida o‘tkaziladi. Bular: Ar Riyod, Jidda va Al Xobar. Kecha, 7-yanvar kuni OFK sayti musobaqa 2027-yil 7-yanvardan start olishi hamda 5-fevralga qadar davom etishini ma’lum qildi. 

Musoboqa o‘tkaziladigan stadionlar

Xabarda keltirilishicha, O‘yinlarga Ar Riyoddagi beshta stadion mezbonlik qiladi:

• 1. "Qirol Fahd" stadioni (sig‘imi: 70 ming)
• 2. "Qirol Saud universitet" stadioni (sig‘imi: 25 ming)
• 3. "Imam Muhammad ibn Saud" stadioni (sig‘imi: 21 ming)
• 4. "Kingdom Arena" (sig‘imi: 26 ming)
• 5. "Al Shabab" stadioni (sig‘imi: 14 ming)

Bundan tashqari, musobaqaga Jidda shahridagi ikkita stadion — "Qirol Abdulloh" (sig‘imi: 60 ming) va "Shahzoda Abdulloh Al Faysal" (sig‘imi: 25 ming) o‘yingohlarida, shuningdek, Al Xobarda joylashgan "Al Xobar Nyu Stedium" (sig‘imi: 45 ming) o‘yingohlari ham mezbonlik qiladi. 

O‘zbekiston final yo‘llanmasini olib bo‘lgan

O‘tgan yilning mart oyida O‘zbekiston terma jamoasi JCH-2026 hamda Osiyo kubogi-2027 qo‘shma saralash bosqichi doirasida Hongkong ustidan yirik g‘alabaga erishib, hal qiluvchi 3-saralash bosqichi va Saudiya Arabistonida o‘tadigan Osiyo kubogi-2027ga yo‘llanmani naqd qilgan edi. Ma’lumot uchun, 30 kun davom etadigan 2027 yilgi Osiyo Kubogida 24ta terma jamoa ishtirok etadi. Musobaqa jami 51 uchrashuvdan iborat bo‘ladi.

3-saralash bosqichi

2024-yil yakunida Osiyo kubogi-2027, 3-saralash bosqichiga qur’a tashlangan edi. Unga ko‘ra, gurux g‘oliblari Saudiya Arabistoni, Osiyo kubogi-2027 yo‘llanmasiga ega bo‘lishadi. 

A guruhi

• Tojikiston
• Filippin
• Maldiv orollari
• Sharqiy Timor

B guruhi

• Livan
• Yaman
• Butan
• Bruney

C guruhi

• Hindiston
• Gonkong
• Singapur
• Bangladesh

D guruhi

• Tailand
• Turkmaniston
• Xitoy Taypeyi
• Shri-Lanka

Y guruhi

• Suriya
• Afg‘oniston
• Myanma
• Pokiston

G guruhi

• Vetnam
• Malayziya
• Nepal
• Laos