Yil boshidan buyon bolalarga nisbatan 60 ta zo‘ravonlik holati aniqlangan

📍 Oliy Majlisning Bola huquqlari bo‘yicha vakili tomonidan taqdim etilgan hisobotga ko‘ra, Bolalar ombudsmaniga kelgan murojaatlar soni o‘tgan yilning shu davriga nisbatan 47 foizga oshgan.

📝 Hisobot tafsilotlari:

– 2025-yilning dastlabki 6 oyi davomida 885 ta murojaat ko‘rib chiqilgan, bu o‘tgan yilning shu davriga nisbatan 47 foizga ko‘p degani.

– Murojaatlarning 20 tasi (2,3%) voyaga yetmagan shaxslar tomonidan yo‘llangan.

📡 Internet tarmog‘idagi monitoring:

– 185 ta holatda bola huquqlarining buzilishi aniqlanib, 60 ta zo‘ravonlik holati yuzasidan 16 ta jinoyat ishi va 22 ta ma’muriy ish qo‘zg‘atilgan.

📅 O‘tkazilgan shaxsiy qabul va kuzatuv:

– Bolalar ombudsmani 2025-yilning birinchi yarmida 21 ta shaxsiy qabul o‘tkazib, 87 nafar fuqaro murojaatini ko‘rib chiqqan.

– Ombudsman Kotibiyati xodimlari 20 marotaba fuqarolik, jinoyat va ma’muriy sudlarda bola manfaatlari yuzasidan kuzatuvchi sifatida ishtirok etishgan.

🌍 Xorijga chiqib ketgan va qaytarilgan bolalar:

– 5 nafar bola xorijdan O‘zbekistonga olib kelingan.

– 1 nafar bola o‘z yurtiga, Rossiya Federatsiyasiga qaytarilgan.

– Rossiya Federatsiyasining turli hududlarida qarovsiz qolgan 16 nafar bolaga zarur shart-sharoitlar ta’minlangach, ular O‘zbekistonga qaytarilgan.