O‘zbekiston Parij Olimpiadasida o‘z rekordini yangiladi

O‘zbekiston bugungi kunga qadar 7 bor yozgi Olimpiada o‘yinlarida ishtirok etgan. Musobaqaning dastlabki haftasi yakunlangach, delegatsiyamiz o‘zining tarixiy natijasini yangilagani ma’lum bo‘ldi.

Rekord yangilandi

Parij Olimpiadasida dastlabki hafta yakunlandi. Ayni vaqtga qadar mamlakatimiz delegatsiyasi Parij Olimpiadasida 1 ta oltin va 2 ta bronza medalini qo‘lga kiritib, musobaqaning umumiy reytingda 25-pog‘onani band etib turibdi. Bu orqali delegatsiyamiz Olimpiadaning birinchi haftaligida medal qo‘lga kiritish bo‘yicha amaldagi o‘z rekordini yangiladi. 

Tarixiy xronologiya

O‘zbekiston delegatsiyalarining Olimpiada o‘yinlaridagi dastlabki haftalik natijalari xronologiyasi quyidagicha:

Atlanta-1996: 1 ta kumush (yakunda 1 ta kumush, 1 ta bronza)

Sidney-2000: 0 (yakunda 1 ta oltin, 1 ta kumush, 2 ta bronza)

Afina-2004: 0 (yakunda 2 ta oltin, 1 ta kumush, 2 ta bronza)

Pekin-2008: 1 ta kumush, 1 ta bronza (yakunda 1 ta oltin, 2 ta kumush, 3 ta bronza)

London-2012: 1 ta bronza (yakunda 1 ta oltin, 4 ta bronza)

Rio-2016: 3 ta bronza (yakunda 4 ta oltin, 2 ta kumush, 7 ta bronza)

Tokio-2020: 1 ta oltin, 1 ta bronza (yakunda 3 ta oltin, 2 ta bronza)