O‘zbekistonga salqin havo yaqinlashmoqda: Hafta boshida harorat 31 darajagacha tushishi mumkin

17-avgust kuni O‘zbekistonning katta qismida yog‘ingarchilik kutilmaydi. Qoraqalpog‘iston va Xorazmning ayrim hududlarida esa qisqa muddatli yomg‘ir yog‘ib, momaqaldiroq bo‘lishi mumkin. Kunduzi harorat hududlarga qarab 31–41 daraja atrofida bo‘ladi. Eng issiq ob-havo Qashqadaryo va Surxondaryoda kuzatiladi. Ayrim viloyatlarda shamol kuchayib, chang-to‘zon ko‘tarilishi mumkin. Tog‘li hududlarda esa kunduzgi harorat 23–28 darajadan oshmaydi.

Toshkentda 36 daraja, janubda esa 41 darajagacha issiq bo‘ladi

Toshkent shahrida 17-avgust kuni havo biroz bulutli bo‘ladi, yog‘ingarchilik kutilmaydi. Kechasi harorat 21–23 daraja atrofida bo‘lsa, kunduzi 34–36 darajagacha ko‘tariladi. Sharqdan sekundiga 3–8 metr tezlikda shamol esadi. Shamol ayrim paytlarda sekundiga 12–14 metrgacha kuchayishi va shaharning ayrim joylarida chang-to‘zon ko‘tarilishi mumkin.

Toshkent viloyati, Sirdaryo, Jizzax va Samarqandda ham kun asosan yog‘ingarchiliksiz o‘tadi. Bu hududlarda kechasi 18–23 daraja, kunduzi esa 32–37 daraja issiq bo‘lishi kutilmoqda. Sharqdan esadigan shamol tezligi sekundiga 7–12 metrni tashkil etadi, ayrim joylarda 13–18 metrgacha kuchayishi mumkin. Shamol kuchaygan hududlarda chang-to‘zon kuzatilishi ehtimoli bor.

Qashqadaryo va Surxondaryoda esa issiq boshqa hududlarga qaraganda kuchliroq bo‘ladi. Kechasi havo 20–25 darajagacha tushadi, kunduzi esa 36–41 darajagacha qiziydi. Bu viloyatlarda ham yomg‘ir kutilmaydi. Shamol sharqdan sekundiga 7–12 metr tezlikda esib, ayrim joylarda 13–18 metrgacha kuchayadi va chang-to‘zon ko‘tarilishi mumkin.

Qoraqalpog‘iston va Xorazmning ayrim joylarida yomg‘ir yog‘adi

Qoraqalpog‘istonda boshqa hududlardan farqli ravishda havo o‘zgaruvchan bo‘ladi. Ayrim joylarda qisqa muddatli yomg‘ir yog‘ishi va momaqaldiroq kuzatilishi mumkin. Kechasi harorat 17–22 daraja, kunduzi 31–36 daraja bo‘ladi. Sharqdan sekundiga 7–12 metr tezlikda shamol esadi, ba’zi joylarda uning tezligi 13–18 metrgacha yetadi. Shamol ayrim hududlarda chang-to‘zon ham ko‘tarishi mumkin.

Xorazm viloyatida havo biroz bulutli, ba’zi joylarda o‘zgaruvchan bo‘ladi. Kunning asosiy qismida yog‘ingarchilik kutilmaydi, faqat kechga tomon ayrim hududlarda qisqa muddatli yomg‘ir yog‘ib, momaqaldiroq bo‘lishi mumkin. Kechasi 19–24 daraja, kunduzi 31–36 daraja issiq bo‘ladi. Sharqdan sekundiga 9–14 metr tezlikda shamol esadi, ayrim joylarda chang-to‘zon kuzatiladi.

Buxoro va Navoiy viloyatlarida esa yog‘ingarchilik kutilmaydi. Bu hududlarda kechasi 19–24 daraja, kunduzi 33–38 daraja issiq bo‘ladi. Shamol sharqdan sekundiga 7–12 metr tezlikda esadi, ba’zi joylarda 15–20 metrgacha kuchayishi mumkin. Ayrim hududlarda kuchli shamol chang-to‘zon bilan kuzatiladi.

Vodiyda 37 darajagacha issiq, tog‘larda esa ancha salqin bo‘ladi

Andijon, Namangan va Farg‘ona viloyatlarida havo biroz bulutli, ayrim joylarda o‘zgaruvchan bo‘ladi. Yomg‘ir yog‘ishi kutilmaydi. Kechasi harorat 18–23 daraja, kunduzi esa 32–37 darajani tashkil etadi. Sharqdan sekundiga 7–12 metr tezlikda shamol esib, ayrim joylarda 13–18 metrgacha kuchayishi mumkin. Shamol kuchaygan hududlarda chang-to‘zon kuzatilishi ehtimoli bor.

Tog‘oldi va tog‘li hududlarda esa havo boshqa joylarga nisbatan ancha salqin bo‘ladi. Bu hududlarda ham yog‘ingarchilik kutilmaydi, havo biroz bulutli, ayrim joylarda o‘zgaruvchan bo‘ladi. Kechasi harorat 13–18 darajagacha tushadi, kunduzi esa 23–28 daraja atrofida bo‘ladi. Sharqdan sekundiga 7–12 metr tezlikda shamol esadi, ba’zi joylarda 13–18 metrgacha kuchayishi mumkin.

“O‘zgidromet” ma’lumotiga ko‘ra, issiq asta-sekin susayishi kutilmoqda. Yakshanba kuni harorat 2–3 darajaga pasayishi, biroq bu o‘zgarish dastlab unchalik sezilmasligi aytilgan. Avgust oxiriga kelib O‘zbekiston hududiga nisbatan salqin havo kirib kelishi mumkin. Shunda kunduzgi harorat ham asta-sekin pasayib, 25–30 daraja atrofida bo‘lishi kutilmoqda.