Qish qishdek tugashi mumkin

O‘zbekiston bo‘yicha ob-havoning keskin o‘zgarishi kutilmoqda, deya xabar berdi O‘zgidromet agentligi.

Keyingi hafta sovuq havo massasi kirib kelmoqda

24−27-fevral kunlari respublika hududiga nam va sovuq havo massalari kirib keladi. Hududlarda vaqti-vaqti bilan yog‘ingarchilik kuzatiladi, ayrim joylarda kuchli bo‘ladi.

Havo harorati -9 darajagacha tushadi

Yomg‘ir yog‘ib, 25−27-fevralda u qorga aylanadi. Shimolda vaqti-vaqti bilan qor yog‘adi. Ba’zi joylarda shamol tezligi 15−20 m/s gacha, ba’zida 23−25 m/s gacha kuchayishi mumkin.

26−27-fevral kunlariga kelib havo harorati kechalari 0…-5 darajagacha, shimolda −6…−9 darajagacha, kunduz kunlari 0…+5 darajagacha pasayadi.