“Qora dayjest”: 2025-yil 26-fevral voqealari

 Toshkentdagi sotuv ofislaridan biri yonib ketdi

Toshkentning Chilonzor tumanidagi sotuv ofislaridan biri yonib ketdi. Holat aks etgan tasvirlar ijtimoiy tarmoqlarda tarqaldi.

Poytaxt FVB matbuot xizmatining ma’lum qilishicha, 26-fevral kuni soat 02:18 da Chilonzor tumani “Tirsakobod” MFY hududida joylashgan, qurilish olib borilayotgan binoda yong’in sodir bo‘layotgani to‘g‘risida xabar tushgan.

Shunga ko‘ra, yong‘in-qutqaruv ekipajlari soat 02:21 da voqea joyiga yetib borib, yong‘in soat 02:46 da qurshab olingan va soat 02:54 da o‘chirilgan.

Hodisa oqibatida tan jarohati olgan va halok bo‘lganlar yo‘q, hozirda yong‘in sababi va zarar miqdori aniqlanmoqda.

Toshkent hayvonot bog‘i vaqtincha yopildi

26-fevral kuni Toshkent hayvonot bog‘i kuchli qor ta’siri tufayli vaqtincha yopilishini ma’lum qildi.

Yomon ob-havo shaharning turli hududlarida katta daraxtlarning qulashiga olib kelgan. Qor og‘irligi va kuchli shamol ostida shoxlar va magistrallar yo‘llar va avtomobillarga tushib, piyodalar va transport vositalari uchun xavf tug‘dirgan.

Hayvonot bog’ida, shuningdek, tashrif buyuruvchilar xavfsizligiga tahdid solishi mumkin bo’lgan shoxlarning qulashi holatlari qayd etilgan. Shu munosabat bilan ma’muriyat ishni vaqtincha to’xtatishga qaror qilgan.

Hayvonot bog’i kassasi odatda soat 8:00 dan 17:00 gacha, parkning o’zi esa 18:30 gacha ishlaydi. Ishni qayta tiklash vaqti qo’shimcha ravishda e’lon qilinadi.

Toshkentda 2,8 milliard so‘mlik noqonuniy dori vositalari musodara qilindi

Bosh prokuratura huzuridagi Departamentning xabar berishicha, Toshkent viloyatining Ohangaron tumanida o‘tkazilgan tezkor tadbir davomida noqonuniy dori vositalari savdosi bilan shug‘ullangan fuqarolar ushlangan. Ular o‘zining sherigiga jami 5000 quti xorijda ishlab chiqarilgan “Neofagen” nomli dori vositalarini 45 000 AQSH dollariga sotayotgan vaqtida qo‘lga olingan.

Ushlangan shaxslarning ko‘rsatmalari asosida davom etgan tadbirda, noqonuniy dorilarni Toshkent viloyatining Andijon shahrida yashovchi fuqaroga tegishli uyda saqlanayotganligi aniqlanib, 7 760 quti dori vositalari ashyo sifatida olib qo‘yilgan. Ushbu dori vositalarining umumiy qiymati 2,8 milliard so‘mni tashkil etadi.

Mazkur holat yuzasidan Jinoyat kodeksining 186-3-moddasi (siqatsiz yoki qalbakilashtirilgan dori vositalarini yoki tibbiy buyumlarni ishlab chiqarish, tayyorlash, olish, saqlash, tashish yoki savdosini amalga oshirish) bilan jinoiy ish qo‘zg‘atilib, tergov harakatlari olib borilmoqda.

Toshkentda noyob yirtqich hayvon shahar bo‘ylab kezib yurdi

Yirtqichni Yakkasaroy tumani aholisi payqab qolgan. Mutaxassislar uni ushlab, poytaxt hayvonot bog‘iga topshirgan.

Toshkent shahar Ekologiya, atrof-muhitni muhofaza qilish va iqlim o‘zgarishi boshqarmasiga Yakkasaroy tumanida noma’lum hayvon ko‘chada yurgani haqida murojaat kelib tushgan.

Boshqarma inspektorlari voqea joyiga borib, ular Qizil kitobga kiritilgan qoraqul ekanliklarini aniqlashgan.

Ma’lum qilinishicha, jonivor ushlanib, poytaxt hayvonot bog‘iga topshirilgan.

Jurnalist Alisher Ro‘zioxunov vafot etdi

Jurnalist Alisher Ro‘zioxunov vafot etdi. Qarindoshlarining aytishicha, u qandli diabetdan aziyat chekkan.

Alisher Ro‘zioxunov turli davrlarda Kun.uz, ​​Gazeta.uz, Bugun.uz kabi ommaviy axborot vositalarida ishlagan.

Alisher Ro‘zioxunov 32 yoshida vafot etdi.

Toshkentdagi ko‘p qavatli uyda gaz portlashi sodir bo‘ldi

2025-yil 26-fevral kuni Toshkent shahrida joylashgan ko‘p qavatli uyda gaz portlashi yuz berdi. Hodisa soat 17:40 da Maxtumquli ko‘chasidagi 134-uyda sodir bo‘lgan.

Guvohlarning so‘zlariga ko‘ra, portlash natijasida jabrlanganlar bor.

Hozircha Favqulodda vaziyatlar vazirligi bu borada rasmiy izoh bergani yo‘q.