Afg‘oniston Amudaryo havzasida neft qazib olishni oshirmoqchi
Buning uchun Afg‘oniston 25 ta neft qudug‘ini qazishni reja qilgan.
1 daqiqa o‘qiladi
Afg‘oniston 25 ta neft qudug‘ini qazish va Amudaryo havzasidagi konda kunlik neft qazib olishni uch ming tonnagacha oshirishni rejalashtirmoqda. Bu haqda Afg‘onistonning TOLOnews agentligi xabar bermoqda.
Kunlik ishlab chiqarish 1,3 ming tonnagacha
Hozirgi kunda konda 24 ta quduq bor. Kundalik ishlab chiqarish o‘rtacha 1,3 ming tonnani tashkil etadi. Kondagi barcha neft Afg‘oniston hududida qayta ishlanadi va undan olingan neft mahsulotlari ichki bozorga yetkazib beriladi.
Afg‘oniston neftga bo‘lgan talabning faqat 10 foizini ichki manbalar hisobidan qondirmoqda
Hozircha Afg‘oniston neftga bo‘lgan talabning faqat 10 foizini ichki manbalar hisobidan qondirmoqda. Ekspertlarning ta’kidlashicha, yangi quduqlarni burg‘ilash uchun afg‘on tomoni investorlarni jalb qilish va uskunalarni xorijiy yetkazib beruvchilardan sotib olishni rejalashtirmoqda.
