Озодбек Назарбековга Туркманистон фахрий унвони берилди

Туркманистон Республикаси Президенти Гурбангули Бердимухамедов Ўзбекистон Республикаси маданият вазири Озодбек Назарбековга “Туркманистонда хизмат кўрсатган артист” фахрий унвонини бериш тўғрисидаги буйруқни имзолади. Бу ҳақида "Туркманистон-Олтин аср" давлат ахборот агентлиги хабар қилди.

Буйруқ матнида келтирилишича, Ўзбекистон Республикаси маданият вазири Озодбек Назарбеков Аҳмадович икки мамлакат ўртасидаги дўстлик, биродарлик, яхши қўшничилик ва ҳамкорлик алоқаларини мустаҳкамлаш, кўпйиллик туркман-ўзбек маданий-гуманитар ҳамжиҳатликни ривожлантириш йўлидаги хизматлари, шунингдек, мусиқа ва ижро санъати ҳамда касбий маҳорати учун мазкур фахрий унвонга лойиқ қўрилган.