Aprel oyida qaysi mahsulotlarning narxi oshdiyu, nima arzonlashdi?

Aprel oyi O‘zbekistonliklar uchun narxlar oshish oyi bo‘ldi desak, mubolag‘a bo‘lmaydi. Gaz, “svet”, poyezd narxlari, shu bilan bir qatorda minimal iste'mol xarajatlari ham oshdi. Xo‘sh, oziq-ovqat mahsulotlari narx-navosichi? Xizmat ko‘rsatish va kundalik xarajatlar uchun kerak mahsulotlar narxida qanday o‘zgarishlar bo‘ldi?

Iste’mol narxlari oshishi tezlashdi

O‘zbekistonda yanvar-aprel oylarida iste’mol narxlari oshishi 2,59 foizni tashkil etdi. Bu haqda Statistika agentligi hisobotida ma’lum qildi. Mamlakatda aprel oyida iste’mol narxlari o‘tgan yilga nisbatan (0,82 foiz) biroz tezlashib, 0,93 foizni tashkil etdi.

Yillik inflyatsiya 8,08 foiz

Aprel oyi oxirida yillik inflyatsiya 8,08 foizni tashkil etdi. Mart oyidagi kichik o‘sishga qaramay, bu avvalgi yillarga nisbatan sezilarli darajada past ko‘rsatkich hisoblanadi. Masalan, 2023-yil aprel oyida u 11 foizni tashkil etgandi.

Oziq-ovqat mahsulotlarida nima gap?

Oy davomida oziq-ovqat mahsulotlari inflyatsiyasi 0,4 foizgacha tushdi, bu o‘tgan yilining aprel oyiga nisbatan uch baravar past. Yillik asosda oziq-ovqat narxlari 7 foizga oshdi.

Aprel oyida narxlarning o‘sishi bo‘yicha mevalar (+3 foiz) yetakchi bo‘ldi. Oy davomida banan 9,9 foizga, mandarin 7,5 foizga qimmatlashdi. Shu bilan birga, sut mahsulotlari 2,7 foizga, sabzavotlar 1,2 foizga arzonlashdi.

O‘tgan yil davomida meva narxi o‘rtacha 31,4 foizga, limon ikki barobar, anor 2,5 barobarga oshdi. Guruch 12 foizga, baliq va dengiz mahsulotlari 7,3 foizga qimmatlashdi. Shu bilan birga, sabzavot mahsulotlari 8,6 foizga, yog‘-moy mahsulotlari 8,5 foizga arzonlashdi.

Kiyim-kechak va poyabzal narxlari o‘zgarishsiz qoldi 

Ishlab chiqarilgan mahsulotlar narxining o‘sish sur’ati oyiga 1 foizga, yillik hisobda esa 7,7 foizga oshdi. Aprel oyida kiyim-kechak va poyabzal narxlari deyarli o‘zgarishsiz qoldi va yil davomida mos ravishda 5,8 va 5,5 foizga o‘sdi.

Telefon arzonlashib, kompyuter qimmatlashgan

Mebel mart oyida 0,1 foizga, o‘tgan aprel oyida esa 5 foizga, maishiy texnika 0,3 foizga va 6,5 foizga qimmatlashgan. Yil davomida telefonlar 0,8 foizga arzonlashgan, kompyuterlar 0,9 foizga qimmatlashgan.

Aprel oyida benzin narxi 1,8 foizga pasaydi. Metan 3 foizga (yillik 22,4 foiz) qimmatlashdi.

Inflyatsiya ham keskin tezlashdi

Xizmat ko‘rsatish sohasida inflyatsiyaning keskin tezlashishi kuzatildi. Aprel oyida 1,8 foizgacha va yillik 10,8 foizga ko‘tarildi. Umumiy ovqatlanish korxonalarida narxlar mos ravishda 0,9 va 17,9 foizga, mehmonxonalarda 0,2 va 19,5 foizga oshgan.

Temir yo‘l chiptalari aprel oyida 3,2 foizga, yil davomida esa 37,8 foizga qimmatlashgan. Oy davomida havo transporti 1,7 foizga arzonlashdi, yillik narx o‘sishi esa 7 foizni tashkil etdi.