O‘zbekistonda yanvar oyida oziq-ovqat narxlari qimmatlashdi

2025-yilning yanvar oyida oylik inflyatsiya 0,7%, yillik inflyatsiya esa 9,9%ga yetgan. Bu haqda Statistika axborot xizmati ma'lum qilgan.

Qimmatlashgan oziq-ovqat mahsulotlari

Ma'lumotlarga ko‘ra, oy davomida oziq-ovqat mahsulotlari 0,8%ga, nooziq-ovqatlar 0,3%ga, xizmatlar esa 1,1%ga qimmatlashgan.

Masalan, kartoshka narxi 23,9%, piyoz 3,4%, sabzi 2,9%, kungaboqar yog‘i 2,2%, paxta yog‘i 1,9%, qo‘y go‘shti 1,2%, mol go‘shti esa 1,1%ga oshgan.

Oziq-ovqat narxlarining oshishi qandat ta’sir qiladi

Oziq-ovqat mahsulotlarining narxlari oshishi aholi uchun sezilarli ta’sir ko‘rsatmoqda. Ayniqsa, kartoshka, piyoz, sabzi kabi kundalik iste’mol qilinadigan mahsulotlarning qimmatlashishi xalq xo‘jaligida asosiy ehtiyojlarni ta’minlashda qiyinchiliklar tug‘dirmoqda. 

Shu bilan birga, statistikaga ko‘ra, yanvar oyida propan narxi 13,2%ga, metan yoqilg‘isi esa 0,1%ga arzonlashgan.

Metan zapravkalaridagi taqchillik

Iqtisodchi Otabek Bakirovning fikriga ko‘ra, yanvar oyida propan birja narxlari 20%dan ortiq oshgan (3 yanvar va 31 yanvar holatlari bo‘yicha). Metan zapravkalarida esa poytaxtda ham taqchillik davom etmoqda, Farg‘ona vodiysi tumanlarida esa metan zapravkalarining faoliyati cheklangan yoki butunlay to‘xtatilgan.

Eksport va import rejalari

2025-yilning qish-bahor mavsumida kartoshka tanqisligi yuzaga kelishi mumkinligi ma’lum qilindi. Narxlarning o‘sishi tufayli bu muammoni hal etish uchun choralar ko‘rilmoqda. Qishloq xo‘jaligi vazirligi ma’lumotlariga ko‘ra, tanqislikni bartaraf etish maqsadida Afg‘oniston, Qirg‘iziston, Pokiston va Erondan kartoshka import qilinmoqda. 2025 yilning 1-28 yanvar kunlari 94,2 ming tonna kartoshka olib kelingan. Bundan tashqari, 2025 yil hosili uchun 122 ming gektar maydonga kartoshka ekilishi rejalashtirilgan.

Otabek Bakirovning munosabati

Rasmiy statistika asosan davlat organlari tomonidan to‘plangan ma’lumotlarga tayanadi. Biroq, Otabek Bakirov bozorda yuz berayotgan vaziyatni chuqurroq tahlil qilgan. U rasmiy raqamlar bilan birga, aholining kundalik tajribalarini ham hisobga olgan. Shu tarzda, statistika agentligi faqat raqamlar bilan cheklanmay, balki atrofdagi holatlarni ham inobatga olganida, yanada aniqroq va to‘liq ma’lumot taqdim etishi mumkin bo‘lardi.