Albaniya musulmonlar uchun mikrodavlat yaratishni rejalashtirmoqda
10 gektarlik mitti davlat bag‘rikeng islomiy qadriyatlarni targ‘ib qilib, ayollarga kiyinish erkinligini taqdim etadi va u yerda spirtli ichimliklarga nisbatan hech qanday cheklov qo‘yilmaydi.
1 daqiqa o‘qiladi
Albaniya musulmonlar uchun Vatikan kabi mikrodavlat yaratishga tayyorlanmoqda. Tirandagi mitti davlat mo‘tadil bektoshi (so‘fiy) musulmonlar jamoasi uchun mo‘ljallangan bo‘ladi.
Bor-yo‘g‘i o‘n gektar
“Xudo hech narsani taqiqlamaydi. Shuning uchun u asos berdi”, – dedi so‘fiylik tariqatining diniy yetakchisi Edmond Braximay NYTga bergan intervyusida. Albaniya bosh vaziri Edi Rama, o‘z navbatida, yangi davlat tuzilmasining maydoni bor-yo‘g‘i o‘n gektarga yaqin bo‘lishini, ammo uning o‘z ma’muriyati, pasportlari va chegaralari bo‘lishini aytdi.
Tolerant islomiy davlat
Taxminlarga ko‘ra, bo‘lajak shahar-davlat hududida spirtli ichimliklarni iste’mol qilishga ruxsat beriladi, ayollar esa ro‘mol o‘rashlari shart emas va o‘zlari xohlaganini kiyishga ruxsat etiladi; turmush tarzi retseptlari qo‘yilmaydi.
Edmond Braximay ushbu rejani ma’qullab, buni bag‘rikeng va zamonaviy islomni namoyish qilish uchun ajoyib imkoniyat deb baholagan.
Shuningdek, an’anaviy suveren davlatlarga xos armiya yoki sud tizimi bo‘lmaydi. Loyiha hozirda huquqiy jihatdan ishlab chiqilmoqda va u Albaniya parlamenti tomonidan tasdiqlanishi lozim.
