Rossiyada migrant bolalarning 20 foizigina yashash joyida roʻyxatga olingan

Rossiyada atigi 154 ming nafar voyaga yetmagan xorijliklar yashash joyida roʻyxatga olingan, bu umumiy sonining 20 foizini tashkil qiladi. 

Ular qaysi davlat fuqarolari?

Ichki ishlar vazirligining migratsiya masalalari boʻyicha bosh boshqarmasi boshligʻining o’rinbosari Gennadiy Kudryashov Davlat Dumasi qoʻmitasi yigʻilishida hozirda mamlakatda 766 mingga yaqin shunday bolalar istiqomat qilayotganini ma’lum qildi. 

Ularning asosiy qismini Tojikiston (26 foiz), Qirg‘iziston (14 foiz), O‘zbekiston (13,4 foiz), Belarus (12,6 foiz) va Ukraina (8 foizdan ortiq) fuqarolari tashkil etadi. 

Migrantlar mamlakatdan chiqarib yuborilmoqda 

Kudryashov ota-onalar koʻpincha farzandlarini roʻyxatga olishga e’tiborsiz bo‘layotganiga e’tibor qaratgan. Ichki ishlar vazirligi ota-onalardan biri Rossiya fuqarosi boʻlgan yoki bola mamlakatga kirganidan keyin fuqarolikni olgan hollar bundan mustasno, bu boʻshliqni bartaraf etish kerak deb hisoblaydi. 

2024-yilda Sankt-Peterburgdan 14 ming migrant chiqarib yuborilgan. Bundan tashqari, oʻsha yili deyarli 20 ming xorijlik rus tilini bilishini imtihonda tasdiqlay olmagan.