Oʻzbekistondagi maktablarda bir nafar oʻqituvchiga 12 oʻquvchi toʻgʻri kelmoqda

2024/2025-oʻquv yili boshiga umumtaʼlim muassasalarida bir nafar oʻqituvchiga oʻrtacha 12 nafar oʻquvchi toʻgʻri kelmoqda. Bu haqda Statistika agentligi xabar berdi.

Hududlar kesimida

Ushbu koʻrsatkich hududlar kesimida quyidagicha:

• Toshkent shahri – 17 nafar
• Andijon viloyati – 14 nafar
• Toshkent viloyati – 14 nafar
• Namangan viloyati – 13 nafar
• Samarqand viloyati – 13 nafar
• Fargʻona viloyati – 12 nafar
• Sirdaryo viloyati – 12 nafar
• Surxondaryo viloyati – 11 nafar
• Jizzax viloyati – 11 nafar
• Xorazm viloyati – 11 nafar
• Buxoro viloyati – 11 nafar
• Qashqadaryo viloyati – 11 nafar
• Qoraqalpogʻiston Respublikasi – 9 nafar
• Navoiy viloyati – 9 nafar.

Oʻzbekistonda qancha oʻqituvchi bor?

Eslatib oʻtamiz, avvalroq Oʻzbekistondagi maktablarda dars berayotgan o‘qituvchilarning umumiy soni so‘nggi 6 yilda 78,3 ming nafarga oshgani xabar berilgan edi.

2024/2025-o‘quv yili boshida mamlakatimizdagi umumiy o‘rta ta’lim tashkilotlarida ta’lim berayotgan o‘qituvchilar(o‘rindoshlarsiz)ning umumiy soni 564,9 ming nafarni tashkil etgan.

Bu ko‘rsatkich 2019/2020-o‘quv yili boshiga nisbatan solishtirilganda 78,3 ming nafarga oshgan.

Yillar kesimida umumiy o‘rta ta’lim tashkilotlarida ta’lim berayotgan o‘qituvchilar (o‘rindoshlarsiz) soni:

• 2019/2020-o‘quv yili boshiga 486,6 ming nafar;
• 2020/2021-o‘quv yili boshiga 508,2 ming nafar;
• 2021/2022-o‘quv yili boshiga 510,0 ming nafar;
• 2022/2023-o‘quv yili boshiga 521,6 ming nafar;
• 2023/2024-o‘quv yili boshiga 547,7 ming nafar;
• 2024/2025-o‘quv yili boshiga 564,9 ming nafar.