Moskvadagi mehnat muhojirlari o‘z geolokatsiyasini uzatib turuvchi ilovani majburiy o‘rnatadi

📍 Moskva koʻp funksiyali migratsiya markazi (MMS) ma’lum qilishicha, 1 sentyabrdan boshlab Rossiyada mehnat faoliyati bilan shug‘ullanish uchun kelgan O‘zbekiston, Tojikiston, Qirg‘iziston, Armaniston, Qozog‘iston, Gurjiston, Ozarboyjon, Moldova va Ukraina fuqarolari “Amina” nomli mobil ilovani o‘rnatishi shart.

🔑 Ilovaning vazifalari:

– MMS manzilida ro‘yxatdan o‘tish

– Yashash manzili haqida Ichki ishlar vazirligini xabardor qilish

– O‘z geolokatsiya ma’lumotlarini politsiyaga uzatish

⚠️ Geolokatsiya ma’lumotlari uzatilmasa:

– Bir necha kun mobaynida ma’lumot kelmasa, fuqaroga manzilni tasdiqlash yoki yangisini koʻrsatish xabari yuboriladi

– Uch ish kuni davomida ma’lumot kelmasa, MMS manzilidan ro‘yxatdan chiqariladi

– Bunday holatlar muhojirni “nazoratdagi shaxslar reyestri”ga kiritishga olib kelishi mumkin

📋 Ro‘yxatdan o‘tish talablari:

– Ilovani fuqarolar oʻzlari oʻrnatishi kerak

– Avtorizatsiya uchun MMS tomonidan berilgan “xorijiy fuqaro kartasi” talab qilinadi

– Kartasi yo‘qolgan taqdirda, pasport ma’lumotlari orqali ro‘yxatdan o‘tish mumkin

🌐 Amal qiladigan hududlar:

– Hozircha faqat Moskva shahri va Moskva oblasti hududida

– Agar muhojir boshqa hududda ro‘yxatdan oʻtsa yoki Rossiyani tark etsa, MMSdagi ro‘yxatdan oʻtkazilishi bekor qilinadi

💬 Rasmiy izoh:

– Rossiya rasmiylari bu choralarni “qonunga itoatkor muhojirlar uchun qulay tizim yaratish” deb baholamoqda

🎓 Nazorat va monitoring:

– Avgust oyida Rossiya ta’lim muassasalariga maxsus koʻrsatmalar tarqatilgan

– O‘qituvchilarga muhojir bolalarga yuqori diqqat talab etiladi

– “An’anaviy qadriyatlar” va davlat ramzlariga tahqirlovchi fikrlar, “Muhim mavzular haqida suhbat” darslariga munosabat va Rossiya uchun noodatiy kiyim-boshlar monitoring ostiga tushadi