68 yoshli erkak 7 yoshli qizchaga shilqimlik qildi

Holat Namangan viloyatida yuz bergan.

Behayo harakatlarni amalga oshirgan

Bolalar ombudsmani bu holatni o'z kuzatuviga olgan bo'lib, aniqlanishicha, Namangan viloyati, Yangi Namangan tumanida yashovchi ayol ichki ishlar organlariga murojaat qilib, uning 2017-yilda tug'ilgan, voyaga yetmagan qiziga, ko'chada o'rtoqlari bilan o'ynayotgan vaqtda begona erkak qizni o'z avtomashinasiga chaqirib, unga nisbatan uyatsiz harakatlar qilganligini bildirgan.

Tajovuzkorga nisbatan jinoiy ish qo‘zg‘atilgan

Ushbu holat yuzasidan 2024-yilning 5-aprel kuni Namangan shahar IIB tomonidan jinoyat kodeksining 129-moddasi 1-qismi, 16 yoshga to'lmagan shaxsga nisbatan uyatsiz-buzuq harakatlar qilish moddasi asosida jinoyat ishi qo'zg'atilgan. 

Bolalar ombudsmani holat yuzasidan o'rganish ishlarini davom ettirilishini ma'lum qildi.