Ўзбекистоннинг Киевдаги элчихонаси мурожаат билан чиқди

Ўзбекистоннинг Киевдаги элчихонаси ватандошлар учун телеграм гуруҳи орқали Украина ҳудудида бўлган ватандошларига мурожаат қилди, деб хабар бермоқда «Дунё» ахборот агентлиги мухбири.

Шу билан бирга, элчихона “тасдиқланмаган, сохта маълумотларни тарқатмасликни ва ваҳима қилмасликни“ сўраган. 

«Элчихона Украина давлат органлари, дипломатик корпус ва юртдошларимиз билан доимий алоқада», — дейилади мурожаатда. - Саволларингиз бўлса, Элчихонага электрон почта (embassy@uzbekistan.org.ua) ва телефонлар (+38 044 5015000, +38 044 5014182) ёки дипломатларнинг телеграм манзиллари орқали мурожаат қилинг”.

Элчихона, шунингдек, «Ўзбекистон ҳаво йўллари» Миллий авиакомпанияси Киевга мунтазам рейслар амалга ошираётгани ва манфаатдор фуқаролар Киев-Тошкент йўналиши бўйича Ўзбекистонга қайтиши мумкинлиги ҳақида хабар беради.