Kir yuvish mashinangizni ishdan chiqaradigan 12 ta xato – siz ham shularni qilasizmi?

Zamonaviy kir yuvish mashinasi — ishonchli yordamchi, biroq undan noto‘g‘ri foydalanish uning xizmat muddatini bir necha baravar qisqartirishi mumkin. Texnika yillar davomida nosozliksiz va ortiqcha xarajatlarsiz ishlashi uchun bir nechta muhim qoidalarga amal qilish kifoya.

Quyida kir yuvish mashinangizni himoya qilish va ta’mirdan qochishga yordam beradigan 12 oltin qoida keltirilgan.

Kir yuvish mashinasining buzilmasligi uchun 12 oltin qoida

1. Barabanni ortiqcha yuklamang

Haddan tashqari yuklama dvigatel, podshipniklar va barabanning o‘ziga ortiqcha bosim beradi. Bu esa detallar tez yeyilishiga va jiddiy nosozliklarga olib kelishi mumkin.

Tavsiya: Optimal yuklama — baraban hajmining 70–75 foizi.

2. Drenaj filtrini muntazam tozalang

Filtrga ko‘pincha sochlar, iplar, tangalar va boshqa mayda buyumlar tushadi. Tiqilib qolgan filtr nasosga ortiqcha yuk beradi va mashina ishida xatolarga sabab bo‘ladi.

Tavsiya: Filьtrni har 1–2 oyda bir marta tozalang.

3. Kirish suvining filtr-setkasini yuvib turing

Suv kirish qismida joylashgan mayda setka mineral qoldiqlar va zang sababli asta-sekin tiqilib boradi. Natijada mashina suvni juda sekin yig‘a boshlaydi.

Tavsiya: Setkani har 6 oyda bir marta yuvib chiqing.

4. Ohak to‘planishiga qarshi kurashing

TEN — eng zaif qismlardan biri. Ohak qatlamlari uning samaradorligini pasaytiradi va qizib ketishiga olib keladi.

Tavsiya: Ohakga qarshi maxsus vositalardan foydalaning yoki har 2–3 oyda limon kislotasi bilan profilaktika qiling.

5. Yuvishdan keyin baraban eshigini yopib qo‘ymang

Yopiq nam muhit → chirkin hid → mog‘or → rezina detallarining shikastlanishi.

Tavsiya: Eshikni va rezina manjetni yuvishdan so‘ng biroz ochiq qoldiring.

6. Har yuvilganidan keyin manjetni artib turing

Rezina manjet ichiga ko‘pincha suv, kir va mayda narsalar yig‘iladi.

Tavsiya: Manjetni ehtiyotkorlik bilan quruq mato bilan arting.

7. To‘g‘ri yuvish vositalaridan foydalaning

Juda ko‘p ko‘pik hosil qiladigan kukunlar tizimni ifloslantiradi, rezinani yemiradi va nasos ishiga zarar yetkazadi.

Tavsiya: Faqat “Avtomatik mashinalar uchun” belgisiga ega kukun va jellardan foydalaning.

8. Mos yuvish rejimini tanlang

Noto‘g‘ri sozlamalar barabanga ortiqcha yuk tushiradi va mashinaning xizmat muddatini qisqartiradi.

9. Kir yuvish mashinasini to‘g‘ri tekislab o‘rnating

Agar mashina notekis turadigan bo‘lsa, siqish vaqtida «sakraydi», kuchli tebranish hosil qiladi va mexanik qismlar tezroq eskiradi.

Tavsiya: O‘rnatishda qurilish darajasidan foydalaning.

10. Qurilmani kuchlanish o‘zgarishidan himoya qiling

Tokdagi keskin o‘zgarishlar — elektron plata ishdan chiqishining asosiy sabablaridan biri, uning ta’miri esa juda qimmatga tushadi.

Tavsiya: Stabilizator yoki himoya relelaridan foydalaning.

11. Drenaj shlangini to‘g‘ri joylashtiring

Shlang juda pastda bo‘lsa — suv o‘z-o‘zidan oqib ketadi.

Juda baland bo‘lsa — nasos ortiqcha yuk bilan ishlaydi.

12. Profilaktik yuvish o‘tkazing

Mashina uzoq vaqt ishlatilmasa, tizimda suv turib qolishi yoki ayrim detallar qurib qolishi mumkin.

Tavsiya: Oyda bir marta 40–60°C da bo‘sh (kir solinmagan) yuvish rejimini ishga tushiring