Хонанда Жасур Умиров 5 йил муддатга озодликдан маҳрум этилди

Олий суд матбуот хизмати хабарига кўра, 2 февраль куни жиноят ишлари бўйича Каттақўрғон шаҳар судида судланувчилар А. З., Ш. Қ. Ва хонанда Жасур Умировга нисбатан очилган жиноят иши бўйича суд ҳукми эълон қилинган.

Қайд этилишича, судда Жасур Умиров Жиноят кодексининг 118-моддаси (номусга тегиш) 1-қисми билан айбли деб топилиб, унга нисбатан 5 йил муддатга озодликдан маҳрум қилиш жазоси тайинланган.

Шунингдек, ишга алоқадор қолган судланувчилар – А.З. ва Ш.Қ. 1 йил 6 ой муддатга озодликдан маҳрум этилган. Улар ёлғон гувоҳлик бериш, жиноят ҳақида хабар бермаслик, уни яширишда айбли деб топилган.