Samarqandda yigit talashgan qizlarning ota-onasiga chora ko‘rildi

Samarqand viloyatining Ish­tixon tumanida ikki nafar o‘quvchi qiz o‘rtasida kelib chiqqan janjal ijtimoiy tarmoqlarda tarqalib, keng muhokamalarga sabab bo‘ldi. Holat yuzasidan Mak­tab­ga­cha va maktab ta’limi boshqarmasi rasmiy bayonot berdi.

Tergov natijalari

Tergov natijalariga ko‘ra, janjalda jabrlangan qiz Ish­tixon tumani 15-maktabning 7-sinf o‘quvchisi ekani, unga hujum qilgan qiz esa shu tumandagi 74-maktabning 10-sinfida tahsil olayotgani aniqlandi.

Mazkur voqea bo‘yicha har ikkala o‘quvchi bilan mak­tab psi­xolog­lari, mahalla faollari va profilaktika inspektorlari suhbat o‘tkazdi. 

Ota-onalarga ma’muriy jazo

Shuningdek, tuman IIB tomonidan hodisa nazoratga olinib, zo‘ravonlik sodir etgan o‘quvchining ota-onasiga Ma’muriy javobgarlik to‘g‘risidagi kodeksning 47-moddasi birinchi qismi bo‘yicha ma’muriy bayonnoma rasmiylashtirildi.

Hodisa yuzasidan qo‘shimcha choralar ko‘rilishi hamda maktablarda profilaktik ishlar davom ettirilishi ma’lum qilindi.