Самарқандда 4 киши ис газидан заҳарланиб вафот этди

Жорий йил 28 март куни тахминан соат 11:00 ларда Самарқанд шаҳри М.Шайхзода МФЙ, Лахутий кўчаси 31-уйда вақтинча яшовчи 5 нафар фуқаролар хонадонда ўрнатилган иситиш печи (голланд печи)дан ис гази ажралиб чиқиши натижасида заҳарланган. Бу ҳақда вилоят прокуратураси хабар берди.

Заҳарланиш оқибатида 4 нафар фуқаро вафот этган, яна 1 нафари эса кучли заҳарланиш аломатлари билан касалхонага ётқизилган.

Мазкур ҳолат юзасидан Самарқанд шаҳар прокуратураси томонидан терговга қадар текширув ҳаракатлари олиб борилмоқда.