«Инновацион ғоялар етакчиси» кўкрак нишони ғолиблари тақдирланди

Ғолибларга мукофотларни Инновацион ривожланиш вазири Иброҳим Абдураҳмонов топширди ва «Инновацион ғоялар етакчиси» кўкрак нишонига лойиқ топилган ёшларни ушбу мукофот билан қутлаб, келгуси ишларимга зафарлар тилади.

Жорий йилги танловда иштирок этиш учун номзодлардан ҳужжатлар онлайн тартибда қабул қилинди. Танловга жами 419 нафар иштирокчидан ҳужжатлар келиб тушди.

Қорақалпоғистон Республикаси, вилоятлар, Тошкент шаҳар ҳокимликлари ҳамда «Миллий Технологик тадқиқотлар университети МИСиС» томонидан «Инновацион ғоялар етакчиси» кўкрак нишони билан тақдирлашга тавсия этилган 45 нафар номзоднинг лойиҳалари ва ҳужжатлари республика комиссияси аъзолари томонидан якка тартибда кўриб чиқилди ҳамда баҳоланди.

Тадбир натижаларига кўра, ғолибларнинг инновацион ишланмаларини тегишли соҳаларга жорий этиш ҳамда иштирокчилар орқали республикамиз ёшларининг инновацияларга бўлган қизиқишларини ошириш кўзда тутилган.

«Инновацион ғоялар етакчиси» кўкрак нишонининг 2022 йилги ғолиблари:

• Қорақалпоғистон Республикаси - Каипбергенов Атабек Тулепбергенович.
• Андижон вилояти - Баймирзаев Акбаржон Рустамжан ўғли.
• Бухоро вилояти - Мухаммедова Мадинабону Олим қизи.
• Жиззах вилояти - Садиков Фарход Самандарович.
• Навоий вилояти - Ахматов Абдумалик Абдувахоб ўғли.
• Наманган вилояти - Турдиалиев Улуғбек Валижон ўғли.
• Қашқадарё вилояти - Исмаилов Ибрат Илхомович.
• Самарқанд вилояти - Олимжонова Саодат Ғуломжон қизи.
• Сирдарё вилояти - Касимов Шодибек Исламович.
• Сурхондарё вилояти - Холназаров Баходир Азамович.
• Тошкент вилояти - Нутфуллаев Ғафур Субхонович.
• Фарғона вилояти - Узбеков Мирсоли Одилжанович.
• Хоразм вилояти - Хамраев Нурбек Улуғбекович.
• Тошкент шаҳри - Мусахонов Зайниддинхон Мухторхонович.
• МИСиС - Темербекова Барнохон Маратовна.