Eng ko‘p qaysi davlat ilmga investitsiya kiritmoqda?

So‘nggi 20 yil ichida ilm-fan va texnologiyaga bo‘lgan sarmoyalar jadal o‘sdi. 2024-yilga kelib, ilmiy-tadqiqot va tajriba-ishlab chiqish (NIOKR) sohasiga sarflangan mablag’lar 3 trillion dollarga yaqinlashdi. Biroq bu o‘sish davlatlar o‘rtasida farq qilmoqda. Xo‘sh, eng ko‘p qaysi davlatlar ilmiy-tadqiqotlar sohasida sarmoya kiritmoqda?

Ilm-fan bo‘yicha global lider

Xitoy 2000-yildan 2024-yilgacha o‘rtacha 13,1% o‘sish sur’ati bilan ilmiy-tadqiqotlar bo‘yicha dunyoning yetakchisi bo‘lib kelmoqda. 2000-yilda 40,8 milliard dollarni tashkil etgan sarmoyalar 2024 yilga kelib 786 milliard dollarga yetdi. Bu Xitoyni global innovatsiyalar markaziga aylantirgan va sun’iy intellekt bo‘yicha patentlarda yetakchilik qilayotgan davlatga aylantirdi.

Saudiya Arabistoni va Misr

Saudiya Arabistoni ilmiy-tadqiqotlar sohasida 13% o‘sish sur’ati bilan ikkinchi o‘rinda turadi. Misr ham o‘z ilmiy-tadqiqotlariga sarflanadigan mablag‘larni 12% ga oshirdi va bu yuqori daromadli mamlakatlar o‘rtasida katta o‘sish ko‘rsatkichini ko‘rsatdi.

Rivojlanayotgan mamlakatlar

Rivojlanayotgan iqtisodiyotlar, masalan, Indoneziya, Tailand va Vyetnam, ilmiy-tadqiqotlarga katta sarmoya kiritmoqda. Biroq ularning sarmoya miqdori hali global miqyosda kichikroq bo‘lsa-da, bu mamlakatlar iqtisodiy o‘sish va texnologiya sohasida katta qadamlar qo‘yishga tayyor.

Ilmiy-tadqiqotlarga kiritiladigan uzoq muddatli sarmoyalar nafaqat iqtisodiy samaradorlikni oshiradi, balki yangi texnologiyalarni yaratish va innovatsiyalarga asoslangan bozorlar yaratishga yordam beradi. Bu davlatlar texnologik yetakchilikka erishishda katta afzalliklarga ega bo‘lib, global raqobatda o‘z o‘rnini mustahkamlashga qodir.