Putin Rossiyaning O‘zbekistonga gaz yetkazib berish haqidagi rejalarini ma’lum qildi

Kecha, 27-noyabr kuni Rossiya Prezidenti Vladimir Putin Qozog‘iston Prezidenti Qosim-Jomart To‘qayev bilan Ostonada o‘tkazilgan qo‘shma matbuot anjumanida mamlakatning Qozog‘iston hududi orqali O‘zbekistonga gaz yetkazib berish hajmini ko‘paytirish rejalarini ma’lum qildi.

Ta’minotni oshirishni davom ettiramiz

“Energetika sohasidagi hamkorlik tizimli ravishda rivojlanib bormoqda. Rossiya nefti Qozog‘iston hududi orqali Xitoyga yo‘naltirilmoqda. “Gazprom” haqiqatan ham Qozog‘iston iste’molchilarini gaz bilan uzluksiz ta’minlamoqda. O‘tgan yildan boshlab Rossiya gazi Qozog‘iston hududi orqali qo‘shni O‘zbekistonga o‘tkazilmoqda va biz bunday ta’minotni oshirishni davom ettiramiz”, — dedi Rossiya Prezidenti.

Ikki yillik shartnoma

Avvalroq Rossiya Tashqi ishlar vazirligi rasmiy vakili Mariya Zaxarova 2023-yil oktyabr oyida boshlangan Rossiya gazining O‘zbekistonga yetkazib berilishi hozirgi vaqtda 5 milliard kubometrdan oshgani haqida ma’lum qilgandi. 2023-yil Rossiya, Qozog‘iston va O‘zbekiston yetakchilari “Gazprom” va “UzGasTrade” o‘rtasidagi ikki yillik shartnoma doirasida Rossiya tabiiy gazini Qozog‘iston orqali tranzit tarzida yetkazib berishni boshlagan.