FIFA reytingi yangilandi

FIFA milliy jamoalarning yangilangan reytingini e’lon qildi. O‘zbekiston o‘z o‘rnini yaxshilab oldi.

Yangilangan reytingdagi O‘zbekiston

FIFA 19-sentyabr kuni terma jamoalarning yangilangan reytingini e’lon qildi. Unga o‘ra, sentyabr oyida JCH saralashi doirasida KXDR (1:0) va Qirg‘izistonni (3:2) mag‘lub etgan O‘zbekiston milliy jamoasi bir pog‘ona yuqorilab, 1403,06 ochko bilan 60-o‘rinda qayd etildi. Bu Osiyoda 8-o‘ringa to‘g‘ri keladi. Milliy terma jamoa Osiyoda Yaponiya (16-o‘rin, umumiy reytingda 2 pog‘onaga yuqoriladi), Eron (19, +1), Janubiy Koreya (23), Avstraliya (25, -1), Qatar (44, -10), Iroq (55) va Saudiya Arabistondan (56) keyin 8-o‘rinda bormoqda.

Osiyo terma jamoalari reytingi — Top-10

• 16. Yaponiya
• 29. Eron
• 23. Janubiy Koreya
• 25. Avstraliya
• 44. Qatar
• 55. Iroq
• 56. Saudiya Arabistoni
• 60. O‘zbekiston
• 68. Iordaniya
• 69. BAA

Umumiy reyting — Top-10

Umumiy reytingdagi eng katta o‘sish Kolumbiyada (7 pog‘onaga), eng katta pasayish esa Qatarda (10 pog‘onaga) qayd etilgan. Shuningdek, reytingni Argentina, Fransiya va Ispaniya terma jamoalari boshqarib bormoqda. 

• 1. Argentina
• 2. Fransiya
• 3. Ispaniya
• 4. Angliya
• 5. Braziliya
• 6. Belgiya
• 7. Niderlandiya
• 8. Portugaliya
• 9. Kolumbiya
• 10. Italiya

Ma’lumot uchun, O‘zbekiston milliy terma jamoasining FIFA reytingidagi eng yuqori natijasi 45-o‘rin bo‘lgan. U bu o‘rinda 2006-yil 22-noyabrdan to 2007-yilning 14-fevralgacha bo‘lgan. Jamoaning eng past natijasi esa 1996-yil noyabr oyida qayd etilgan — 119-o‘rin.