JCH-2026 saralashi: O‘zbekiston Markaziy Osiyo derbisida Qirg‘iziston ustidan zafar quchdi

O‘zbekiston milliy terma jamoasi biroz avval Osiyoda JCH-2026 hal qiluvchi 3-saralash bosqichining 2-turi doirasida Bishkekda Qirg‘izistonga qarshi maydonga tushib, g‘alaba qozondi — 3:2. Ushbu natija orqali jamoamiz o‘z guruhida vaqtincha peshqadam maqomida bo‘lib turibdi. 

Markaziy Osiyo derbisi

Ushbu o‘yin nafaqat Mundial saralashi, balki Markaziy Osiyo derbisi maqomi o‘laroq ham ahamiyatli edi. O‘yinning 15-daqiqasida «Dinamo» hujumchisi Joel Kojo hisobni ochib, qirg‘izlarni hisobda oldinga olib chiqqan bo‘lsa, keyingi hujumdayoq Eldor Shomurodov muvozanatni tikladi – 1:1. Shundan so‘ng, 35-daqiqada Odiljon Abdurahmonov stadionni ikkinchi bor larzaga keltirib, mezbonlarni hisobda oldinga olib chiqdi – 2:1. Bo‘lim yakunida Sherzod Nasrullayevning uzatmasini Husniddin Aliqulov bosh bilan golga aylantirdi – 2:2. Ikkinchi bo‘limda esa Srechko Katanes shogirdlari 72-daqiqada nihoyat hisobda oldinga chiqib olishdi. Shomurodovning pasini Oston O‘runov chiroyli harakatlari va zarbasi bilan g‘alaba goliga aylantirdi – 3:2.

Guruhdagi holat

O‘zbekiston milliy jamoasi dastlabki ikki turni ham g‘alaba bilan yakunlab, 6 ochko bilan hozircha A guruhi peshqadamiga aylandi. Guruhdagi dastlabki bahsda KXDR Qatar bilan durang (2:2) qayd etgan bo‘lsa, yana bir uchrashuvda BAA bugun Eronni qabul qiladi. Ayni mana shu o‘yin guruhning yakuniy ko‘rinishini hosil qiladi.

O‘yin statistikasi

Futbolchilarga qo'yilgan ballar

Taniqli portallardan biri "SofaScore"ga ko‘ra, ushbu bellashuvning eng yaxshi futbolchisi deb Eldor Shomurodov tan olindi. U 8.4 ballga loyiq ko‘rilgan. Quyida boshqa futbolchilarga qo‘yilgan ballar bilan tanishing: