Қахрамонлик навбати наманганликларга
Бундан роса бир ҳафта олдин “Ал Айн” билан ўйнаган “Пахтакор” жамоасида ҳам шундай ҳол юз берганди
1 daqiqa o‘qiladi
Наманганнинг "Навбаҳор" футбол клуби шифокори Деҳли – Тошкент йўналишидаги авиарейсда йўловчининг ҳаётини сақлаб қолинишига сабабчи бўлди.
Осиё Чемпионлар Лигаси гуруҳ босқичининг сўнгги турида "Мумбай Сити"ни мағлуб этиб, уйга қайтаётган "Навбаҳор" делегацияси ўрин олган бортда Ҳиндистонда жарроҳлик амалиёти ўтказиб қайтаётган йўловчи ўзини жуда ёмон ҳис қилади. Вазиятни тўғри баҳолган ҳолда клуб шифокори Жаҳонгир Нуритдинов ушбу беморга биринчи тез тиббий ёрдамни кўрсатади. Шифокорнинг тезкор ҳаракатлари билан бемор ўзига келади ва оиласи бағрига соғ-саломат қайтади. Қизиғи, бундан роса бир ҳафта олдин “Ал Айн” билан ўйиндан қайтаётган мамлакатимизнинг яна бир жамоаси, “Пахтакор”нинг шифокори Дубай - Тошкент йўналишидаги рейс қатновида йўловчининг ҳаётини сақлаб қолинишига сабабчи бўлган эди.
