Davlat endilikda diniy tashkilotlarga hech qanday majburiyat yoki vazifa yuklamaydi
Yangi qabul qilingan diniy konsepsiyaga muvofiq, diniy tashkilotlar va davlat organlari o‘zaro bir-birining faoliyatiga aralashmasligi belgilab qo‘yildi.
1 daqiqa o‘qiladi
O‘zbekistonda diniy tashkilotlar va davlat organlari o‘zaro bir-birining faoliyatiga aralashmasligi belgilandi. Bu 25-fevral kuni qabul qilingan “O‘zbekiston Respublikasida fuqarolarning vijdon erkinligini ta’minlash va diniy sohadagi davlat siyosati konsepsiyasini tasdiqlash to‘g‘risida”gi qonun bilan belgilab qo‘yildi.
Asosiy tamoyillar
Konsepsiyaga ko‘ra, dinning davlatdan ajratilganligi prinsipi quyidagilarni nazarda tutadi:
- Diniy tashkilotlar va davlat organlari bir-birining faoliyatiga aralashmaydi.
- Davlat diniy tashkilotlarga hech qanday davlat vazifalarini yuklamaydi.
- Diniy tashkilotlar davlat funksiyalarini bajarmaydi.
Huquqiy asoslar
Ushbu prinsip diniy qarashlardan qat’i nazar, konstitutsiyaviy huquqiy tizim (huquq normalari va ularni qo‘llash), demokratiya, dunyoviylik, erkinlik, tenglik, insonparvarlik, ijtimoiy adolat va birdamlik, inson huquqlari g‘oyalariga tayanadi.
