O‘zbekistonliklarning 66,4 foizi daromadlari o‘sishidan umidvor

Markaziy bank tomonidan 2024-yilning so‘nggi choragida o‘tkazilgan so‘rovnoma natijalari e’lon qilindi.

O‘zbekistonliklarning asosiy qismi daromadi oshishini kutmoqda

Unda 66,4 foiz o‘zbekistonliklar kelgusi 12 oyda daromadlarining o‘sishini kutayotganini bildirgan. Ularning ulushi chorak davomida 2,3 foizga oshgan.

Shuningdek, respondentlarning 23,3 foizi o‘z daromadlarining o‘zgarishsiz qolishini kutayotganini aytdi. Qolgan 10,2 foiz esa daromadlarning kamayishini kutmoqda.

77 foiz o‘zbekistonliklar xarajatlar oshishini kutmoqda

Eng ptimistic prognozlar oziq-ovqat, savdo va sanoat ishchilari orasida kuzatilgan. Dasturchilar va jurnalistlarda bu ko‘rsatkich 57 foizni, davlat xizmatchilari esa 61 foizni tashkil etdi. Shu bilan birga, OAV va IT-kompaniyalari xodimlarining 27 foiz daromadlar kamayishi mumkinligini taxmin qilmoqda.

Shu bilan birga, o‘zbekistonliklarning 77 foiz xarajatlarning oshishini kutmoqda. 2024-yilning uchinchi choragidan boshlab bu ko‘rsatkich deyarli o‘zgarmagan. Ko‘pchilik respondentlar turarjoy va ta’limga katta sarf-xarajatlar qilishini aytgan.

15 million so‘m oylik oladiganlarning rejalari qanday?

Oyiga 15 mln. so‘mdan ortiq daromad oluvchi o‘zbekistonliklar esa sayohatlar, avtomobil va ko‘chmas mulk sotib olishga katta xarajatlarni rejalashtirmoqda.

Xarajatlarning o‘sishi bo‘yicha taxminlar o‘zgarishsiz qolmoqda. Yoshlar asosan ta’lim, elektronika va maishiy texnikaga ko‘proq mablag‘ sarflaydi. O‘rta yoshdagilar uy-joy, avtomobil va oilaviy bayramlarga, keksalar esa sog‘lig‘iga e’tibor qaratadi.

O‘zbekistonliklarning jamg‘armaga qiziqishi ortib bormoqda

Markaziy bank o‘zbekistonliklarning jamg‘armalarga qiziqishi ortib borayotganini qayd etdi. 2024-yilning to‘rtinchi choragida respondentlarning 62,3 foizi jamg‘armalar o‘sishini kutishlarini aytgan. Bu ko‘rsatkich uchinchi chorakka nisbatan 1,2 foizga oshgan.

Bundan tashqari, respondentlarning 57 foizi kelgusi 12 oy ichida kredit qarzlarini oshirishni rejalashtirishgan.