Click Bank-moliya akademiyasida fintex tashabbuslarini rivojlantirish mavzusida mahorat darsi o‘tkazdi

2025-yil 17-noyabr kuni Bank-moliya akademiyasida moliyaviy texnologiyalar sohasidagi zamonaviy tendensiyalarga bag‘ishlangan “Fintech tashabbuslari va rivojlanish” mavzusida mahorat darsi bo‘lib o‘tdi.

Moliya kafedrasi tomonidan tashkil etilgan tadbirda Click kompaniyasi bosh direktori o‘rinbosari Rustam Fayziyev ishtirok etdi. U ma’ruza qilib, O‘zbekiston fintech ekotizimining shakllanishi, raqamli to‘lov xizmatlarining rivojlanishi, Click innovatsion mahsulotlari va ularning iqtisodiy faollikni oshirishdagi roli haqida batafsil ma’lumot berdi.

Mahorat darsi davomida spiker jahon fintech bozorini rivojlantirishning asosiy yo‘nalishlari, barqaror va xavfsiz raqamli infratuzilma masalalarini yoritib berdi, shuningdek, moliyaviy texnologiyalarni joriy etish bo‘yicha xalqaro tajriba va zamonaviy yondashuvlar bilan o‘rtoqlashdi.

Tadbir ishtirokchilari dolzarb savollarga batafsil javoblar olishdi, raqamli moliya sohasidagi innovatsiyalar, yangi biznes modellari va fintech sanoatining kelajagini shakllantiruvchi istiqbolli loyihalarni muhokama qilishdi.

Click raqamli iqtisodiyot mutaxassislarining yangi avlodini shakllantirishga hissa qo‘shgan holda moliyaviy texnologiyalar sohasidagi bilim va ko‘nikmalarni rivojlantirishga qaratilgan ta’lim tashabbuslarini qo‘llab-quvvatlashda davom etadi.

Click SuperApp

Reklama huquqlari asosida