2024-yilda “call markaz”ga 1 milliondan ortiq qo‘ng‘iroq va murojaatlar qabul qilindi

O‘tgan yil davomida ijtimoiy xizmatlar markazlari fuqarolarning ehtiyojlariga tezkorlik bilan javob qaytarib, muhim natijalarni qayd etdi. “Call markaz” orqali qabul qilingan murojaatlar soni yil davomida 1,1 milliondan oshdi.

Qo‘ng‘iroqlar va ijtimoiy to‘lovlar dinamikasi

Yanvar oyida atigi 25,049 qo‘ng‘iroq qabul qilingan bo‘lsa, dekabr oyiga kelib bu raqam 109,677 taga yetdi. Ijtimoiy to‘lovlar soni ham sezilarli ravishda oshib, yil yakunida 96,356 ta to‘lov amalga oshirildi. Har bir oyda murojaatlar sonining o‘sishi fuqarolarning ijtimoiy xizmatlarga bo‘lgan ishonchi ortganini ko‘rsatmoqda.

Hududlar bo‘yicha ko‘rsatkichlar

Eng ko‘p murojaatlar Andijon viloyatidan kelib tushgan bo‘lib, bu yerda 192,939 ta qo‘ng‘iroq qabul qilindi. Namangan (140,163 ta), Jizzax (131,443 ta) va Qashqadaryo (133,125 ta) viloyatlari ham faol hududlar sifatida ajralib turdi. Toshkent shahri esa 93,907 ta murojaat bilan yetakchi hududlar orasida o‘rin oldi.

Fuqarolar fikri va xizmatlar sifati

Fuqarolar tomonidan o‘tkazilgan so‘rovnomalarda xizmatlar sifati yuqori baholandi:

• “Inson” markazlari xizmatlari – 4.8 ball.
• Sanatoriyalar xizmatlari – 4.5 ball.
• “Ijtimoiy karta”dan foydalanish – 4.4 ball.
• Pullik xizmatlar sifati – eng yuqori ko‘rsatkich, 4.9 ball.

Bu baholar xizmat ko‘rsatish sohasida amalga oshirilgan islohotlar natijasida xizmatlar sifati yuqori darajada ta’minlanganini tasdiqlaydi.

Ijtimoiy xizmatlar bo‘yicha murojaatlar

Fuqarolarning eng ko‘p murojaatlari quyidagi yo‘nalishlarda bo‘ldi:

• Nogironligi bo‘lgan shaxslar uchun xizmatlar – 3,505 ta murojaat.
• Saxovat va ko‘mak jamg‘armasidan yordam olish – 4,739 ta murojaat.
• Sanatoriyalar haqida ma’lumot olish – 4,426 ta qo‘ng‘iroq.