🥇 Navbahor Hamidova jahon kubogida g‘olib chiqqan ilk o‘zbekistonlik ayol bokschi bo‘ldi

Navbahor Hamidova - endi O‘zbek sporti solnomasiga abadiy muhrlangan nom. U Jahon kubogida oltin medalni qo‘lga kiritgan O‘zbekistonlik birinchi ayol bokschi bo‘ldi. 

📍 Final ramziy ma’noga ega edi: 

Unga dunyoning eng nufuzli sportchilaridan biri - Turkiyalik Olimpiya chempioni va uch karra jahon chempioni Busenaz Syurmeneli raqiblik qildi.

Biroq natija o‘z-o‘zidan gapiradi: 5:0 Hamidova foydasiga.

📊Musobaqa yakunlariga ko‘ra O‘zbekiston terma jamoasi bir oltin va to‘rtta bronza medalini qo‘lga kiritdi.

🥇 Oltin medal:

➖65 kg gacha – Navbahor Xamidova

🥉 Bronza medallari:

➖54 kg gacha – Feruza Qozqova

➖75 kg gacha – Aziza Zokirova

➖80 kg gacha – Soxiba Ruzmetova

➖80 kg dan ortiq – Oltinoy Sotimboyeva

📌 Navbahor Hamidova kim?

Navbahor Hamidova 2001-yil 7-fevral kuni Samarqandda tug‘ilgan. U bolaligidan boks bilan shug‘ullangan. 2019-yilda O‘zbekiston terma jamoasiga qabul qilingan va murabbiy Elshod Rasulov qo‘l ostida turli yosh toifalarida besh marotaba O‘zbekiston chempioni bo‘lgan.

🥈 O‘sha 2019-yilda u ilk xalqaro medalini qo‘lga kiritdi – Ulan-Batorda bo‘lib o‘tgan Osiyo yoshlar chempionatida kumush medal.

🥈 2021-yilda Dubayda Osiyo vitse-chempioni bo‘ldi va Rossiyada harbiylar o‘rtasidagi jahon chempionatida bronza medalini qo‘lga kiritdi.

🥇 2022-yilda Iordaniyada kattalar o‘rtasida Osiyo chempioni bo‘ldi.

🥇 2023-yilda Tailandda 22 yoshgacha bo‘lganlar o‘rtasidagi qit’a chempionatida oltin medalni qo‘lga kiritdi.

🥉 Keyin esa Hindistonda ayollar o‘rtasidagi jahon chempionatida bronza va litsenzion turnirda g‘alaba qozonib, "Parij-2024" Olimpiadasida ishtirok etish huquqini qo‘lga kiritdi.

🎯 Joriy mavsum uning uchun ayniqsa muvaffaqiyatli bo‘ldi:

— Serbiyada bo‘lib o‘tgan jahon chempionatida kumush medal (bu natija o‘zbekistonlik ayollar orasida yagona).

— Bangkokda o‘tgan Thailand Open xalqaro turnirida bronza medal.

🥊 Jahon kubogi (World Boxing)da u quyidagi kuchli raqibalarni mag‘lub etdi:

➖M. Angelsen (Norvegiya)

➖B. Oliveira (Braziliya)

➖M. McCane (AQSh)

➖Finalda esa Busenaz Surmeneli (Turkiya) ustidan 5:0 hisobida g‘alaba qozondi.

➡️ Shu tariqa, Navbahor Xamidova O‘zbekiston tarixida Jahon Kubogida oltin medalni qo‘lga kiritgan ilk ayol bokschi bo‘ldi.